Rindërtimi i Abacisë dhe sarajve të Kapidanit të Oroshit. Reagon i alarmuar Ipeshkëvi Gjergj Meta për zënien e hapësirave me varre

Nga Pirusti News

Duke ju referuar një fotoje të vjetër nga fondi i Arkivit Qëndror të Shtetit, kur Abacia ishte në ditën e saj më të mirë, Ipeshkëvi Gjergj Meta paraqet hapërsirat që dikur kishte ne dispozicion  kjo Abaci. Ipeshkëvi Meta duke besuar në realizimin që është premtuar menjëherë sapo të përfundoje  projekti, u drejtohet sidomos banorëve të Oroshit, që të mos okupojnë me hapje varresh tej kufirit tradicional të varrezave.

Ja si pronocohet Ipeshkëvi Gjergj Meta në prifilin e Dioqezës duke i’u referuar fotos së publikuar:

“Ja sa hapësirë ka pasur para Kishës në Orosh.

Prandaj unë besoj se me projektin e ri që po bëhet do të rekuperojmë përsëri bukurinë që ka pasur.

Për këtë duhet ndihma e Oroshasve së pari të mos vendosin varre pa pyetur dhe e dyta të mos vendosin rrethime private brenda varreve.

Mos ta dëmtojmë më shumë Abacinë tonë!” ka përfunduar Ipeshkëvi Meta.

Ndërsa me rastin e dhenies së emrit “Preng Bib doda” të një rruge në Rrëshen, kryetari i Bashkisë z. Ndrec Dedaj u shpreh:

“Bashkia Mirditë në bashkëpunim me qeverinë shqiptare, premtim dhe i kryeministrit pasi Oroshin e kemi futur në programin e 100 fshatrave për shkak të historisë, normalisht duke bashkëpunuar dhe gjetur konsensin e familjarëve, t’i kthejmë sarajet e Kapidanit si dikur, një kullë pritëse të Mirditës bashkë me konviktin, bashkë me Abacinë duke bashkëpunuar ngushtësisht me Dioqezën, me qëllim që kjo familje e princave të Mirditës me Preng e Bib Dodëne të tjerë pasardhës të marrin dimensionin e duhur lokal e kombëtar, që Oroshi dhe Mirdita të vizitohen e të shikojmë gjera konkrete që për fat të keq sot nuk ekzistojë nga shkatërrimet e sitemit të kaluar. Pra kemi gjthë vullnetin e duhur që këtyre figura tu japim dimensionin e duhur, ka përfunduar kryetari Dedaj

Ju mund të lexoni edhe...

Lini nje koment