Atë mbrëmje te 24 marsit të vitit 1999, ora 19.55 minuta….!

Nga Pirusti News

..Ndërsa 24 marsi 2020-tës, një ditë tjetër historike për shqiptarët.

Pikërisht sot është njoftuar se Unioni Europian ka marrë vendimin për çeljen e negociatave  me Shqipërinë. Ambasadori i UE në Tiranë Soreca u shpreh si më poshtë:

“Sot është një ditë historike për #Shqipërinë. Shtetet anëtare kanë marrë vendimin unanim për të hapur negociatat e pranimit. Dëshiroj ta uroj Shqipërinë për hapin e madh të bërë drejt anëtarësimit në #BE.
BE-ja do të vazhdojë të qëndrojë pranë jush, si gjithmonë, me mbështetjen tonë politike, financiare dhe teknike, për t’i ndihmuar shqiptarët të përmbushin ëndrrën e tyre për t’u bërë qytetarë të BE-së. Sot, ne kemi hedhur një hap të madh më pranë këtij objektivi të përbashkët.” Ambasdori i BE-së Luigi Soreca.

24 mars 1999.

Ishte ora 19.55 minuta, e mbrëmjes së 24 marsit, ku mbi 7 milion milion shqiptarë mbanin frymën plot ankth e emocion, teksa dhjetra avionë të NATOS, ngriheshin rrëmbimthi nga fusha e Avianos në Itali, përmbi gërmadhën e krenarisë  histerike të sllavizmit ekstremist, me në krye kryekasapin e Ballkanit, Sllobodan Millosheviç.

Ishte  hera e parë që kjo klikë merrte ndëshkimin shëmbullor, një mësim për diktaturat kudo në botë, teksa skuadriljet e para te kualicionit demokratik prirë nga kampionja e madhe SHBA, u nisen nga baza ku disa muaj më parë kishin kaluar në gatishmëri të lartë, ndërkohë që kalojnë në qiellin i cili mesmatën e pak orëve më parë kishte hequr çdo lloj kufiri për aleancën.

Padyshim ora  19.55 e dates 24 mars 1999 është orë që nuk harrohet kurrë, orë që ktheu historinë e një kombi në rrjedha normale, e që deri në ate minutë ishte e pabesueshme.
Ndërsa kasapi i ballkanit Karagjiç tashmë ka 40 vite burg mbi shpinë, kryekasapit Millosheviç edhe bari i është tharë mbi varr. Fat i parashkruar për diktatorët, kasapë te Ballkanit..!

a.ndoja

 

Ju mund të lexoni edhe...

Lini nje koment