Debati mes Ali Pash Tepelenës dhe Arianit Komneni (Gjergj Arianiti) në lidhje me islamizimin e shqiptarëve…

Nga Pirusti News

-Pjese nga romani “Të jetoshnë Ishull” me autor Ben Blushi fq:101-102-

 “…. kujt i thua ti që Ibrahimin nuk e detyroi kush të bëhej mysliman, ju kthye Arianit Komneni, me një zë të fortë prehistorik Ali Tepelenës. Kush mund t’i besojë këto dokrra? Ka 300 vjet që turqit i detyrojnë shqiptarët me shpatë dhe me taksa që të tradhëtojnë krishtërimin. Sa familje shqiptarësh kanë paguar taksën e gjakut, devshirmen dhe i kanë nisur djemtë e mitur jeniçerë në ushtrinë osmane?

Sa familje të tjera detyrohen sot e mot të paguajnë një të dhjetën e të korrave të tyre haraç, që të mos bëhen turq? Sa të tjerë paguajnë taksën e tokës, xhizven, të cilën taksidarët u a rrjepin të krishterëve? A mund ta mohosh se tëkrishterëve nuk u merret parasysh padija (denoncimi) te Kadiu mysliman? A mund të mohosh se familjet e krishtera detyrohen të japin fëmijë peng, që turqit tu besojnë atyre dhe kjo quhet taksa e sinqeritetit.

A mund ta mohosh se në të gjithë vendin, nga Shkodra deri në Elbasan, tregtarët e krishterë nuk lejohen të hapin dyqane ne pazaret e qytetit? A mund të mohosh ti, se fshatarëve të krishterë në Vlorë u grabiten tokat nga bejlerët myslimanëA mund ta mohosh se vajzat e krishtera detyrohen të vënë ferexhenë që 10 vjeç, ndryshin nuk i lënë të dalin në rrugë?

A e din ti se një grua e krishterë në Berat që nuk mban perçe dhe që nuk i mban duart e mbledhura kur ecën, dënohet si e përdalë nga burrat myslimanë?A e din ti se titujt dhe gradat u jepen vetëm myslimanëve, megjithëse të krishterët jetojnë në të njëjtën perandori me ta? A e di ti se sa familje të mëdha shqiptare në këto 200 vjetë u detyruan të ndërronin fenë, se ndryshe do ti kishin humbur gradat dhe ofiqet e tyre bashkë me pronat?

A e din ti se pas vdekjes së Skendërbeut, Sulltan Murati nxori një dekret që i detyronte të gjithë shqiptarët të bëheshin synet me pahir, për të larë, sipas tij, tradhtinë e Skënderbeut?

A e din ti që para disa vitesh një prift në Mirditë u kap dhe kur nuk pranoi të bëhej mysliman, u dënua me vdekje?

A e din ti se turqit i japin të drejtë vetes ta shajnë si të duan Krishtin, por po u shave Muhamedin të djegin të gjallë, siç bënë me një të krishterë në Korçë?

A e din ti çfar i ndodhi Gjergjit në Janinë? Ta them unë që tëkuptosh pse Ibrahimi u bë mysliman.

Gjergji ishte shërbëror te një efendi i pasur. Puna e tij ishte t’i mbante të zotit çibukun dhe rrogozin e faljes. Kur i zoti shkonte në xhami të falej, Gjergji e priste te dera sepse si i krishterë, atij nuk i lejohej të hynte në xhami. Efendiu që e thërriste Gjergjin Mustafa, në sy të myslimanëve të tjerë, një ditë i kërkoi të futej në xhami. Gjergji nuk pranoi, por efendiu e futi me forcë duke e kërcënuar se do ta hiqte nga puna.. Kur e morën vesh myslimanët e tjerë, u bënë si të tërbuar sepse e quajtën këtë si fyerje ndaj Islamit. Gjergjin e burgosën dhe duke e torturuar i kërkuan të bëhej mysliman. Mirpo, djali nuk pranoi dhe vdiq gjatë torturave. Por dhimbja e tij nuk mbaroi këtu, sepse turqit kërkuan që fëmijët e tij të bëheshin myslimanë. Por gruaja e tij nuk pranoi dhe që ti shëptonte, deklaroi se fëmijët nuk i kishte me Gjergjin. Dhe natyrish kopilët nuk meritojnë të bëhen myslimanë, apo jo? Kështu shpëtuan fëmijët e shkretë, që për të ruajtur fenë e tyre humbën babanë, por edhe nderin e nënës së pa përlyer…”

 

Ju mund të lexoni edhe...

Lini nje koment

Shperndarje