{"id":16030,"date":"2022-07-18T17:43:27","date_gmt":"2022-07-18T17:43:27","guid":{"rendered":"https:\/\/pirustinews.com\/?p=16030"},"modified":"2023-01-09T15:57:38","modified_gmt":"2023-01-09T15:57:38","slug":"legjenda-e-futbollit-me-nr-10-gjon-gjeci-sulmuesi-i-internuar-i-minatorit-qe-gozhdoi-perlat-musten","status":"publish","type":"post","link":"https:\/\/pirustinews.com\/?p=16030","title":{"rendered":"Legjenda e futbollit me nr.10 Gjon Gje\u00e7i, sulmuesi i internuar i Minatorit q\u00eb gozhdoi Perlat Must\u00ebn"},"content":{"rendered":"

-Aleksand\u00ebr NDOJA-<\/strong><\/p>\n

Gjon Gje\u00e7i \u00ebsht\u00eb nj\u00eb pensionist q\u00eb sh\u00ebtit zakonsh\u00ebm rrug\u00ebve t\u00eb qytetit Rr\u00ebshen.<\/strong> \u00cbsht\u00eb nd\u00ebr t\u00eb pakt\u00ebt raste n\u00eb Shqip\u00ebri q\u00eb vjen i internuar n\u00eb k\u00ebt\u00eb qytet n\u00eb mosh\u00ebn 9 vje\u00e7are, nd\u00ebrsa po k\u00ebtu jeton dhe sot prej ati viti t\u00eb mbrapsht\u00eb p\u00ebr familjen e tij, vitit 1957. <\/strong>Ishte viti kur nj\u00eb makin\u00eb me karroceri e koh\u00ebs e merr nga vila e tyre n\u00eb Sauk t\u00eb Tiran\u00ebs, p\u00ebr ta zbritur para ish-deg\u00ebs s\u00eb pun\u00ebve t\u00eb brendshme s\u00ebbashku me n\u00ebn\u00ebn, v\u00ebllain Nikollin, hall\u00ebn dhe asokohe dy motra,<\/strong> por pa babain Geg Gje\u00e7i, t\u00eb cilin e kishin arrestuar. <\/strong>E nd\u00ebrsa n\u00eb vil\u00ebn e tyre u vendos Kadri Hasbiu, p\u00ebr familjen Gje\u00e7i u rezervua nj\u00eb dhom\u00eb n\u00eb nj\u00eb nd\u00ebrtes\u00eb kolektive prej d\u00ebrrase me koridor t\u00eb gjat\u00eb si\u00e7 p\u00ebrs\u00ebrit ai, <\/strong>me nj\u00eb tualet q\u00eb sh\u00ebrbente p\u00ebr shum\u00eb familje, n\u00eb fund t\u00eb k\u00ebtij koridori.<\/strong><\/p>\n

Por shum\u00eb pak njer\u00ebz din\u00eb historin\u00eb e rrall\u00eb t\u00eb familjes s\u00eb Gjon Gje\u00e7it, at\u00eb e kujtojn\u00eb si sulmuesin me nr 10 t\u00eb \u201cMinatorit\u201d,<\/strong> sulmuesin e jasht\u00ebzakonsh\u00ebm t\u00eb koh\u00ebs, me ftesa t\u00eb dedikuara nga ekipet t\u00eb m\u00ebdhenj si \u201cPartizani\u201d e \u201cVllaznia\u201d, por i penguar nga e drejta p\u00ebr ta kaluar \u201cur\u00ebn e Fanit\u201d.<\/strong> Ndoshta kjo \u00ebsht\u00eb n\u00eb dukje arsyeja q\u00eb teksa ec\u00ebn rrug\u00ebve me nj\u00eb qet\u00ebsi olimpike, nj\u00eb sy i v\u00ebmendsh\u00ebm mund t\u00eb konstatoj\u00eb se pamja e tij gati mistike ka shum\u00eb p\u00ebr t\u00eb th\u00ebn\u00eb e treguar.<\/strong> Mjafton nj\u00eb \u201cidicio\u201d pas nj\u00eb p\u00ebrsh\u00ebndetje n\u00eb rrug\u00eb, p\u00ebr ta rikthyer n\u00eb brazdat e hershme t\u00eb kujtes\u00ebs.<\/strong><\/p>\n

Gjoni ish-futbollisti nd\u00ebr m\u00eb t\u00eb shquarit e atyre viteve me nj\u00eb buz\u00ebqeshje krejt t\u00eb brisht\u00eb e t\u00eb sinqert\u00eb, t\u00eb flet papushim p\u00ebr jet\u00ebn e tij, p\u00ebr ngjarjet nd\u00ebr vite, v\u00ebshtir\u00ebsit\u00eb dhe sukseset e mohuara, <\/strong>por edhe koh\u00ebn tashm\u00eb n\u00eb pension.<\/p>\n

-Intervista- <\/strong><\/h3>\n
Z. Gjon, le t\u00eb nisin nga fillimet. Ju jeni me origjin\u00eb t\u00eb hershme nga fshati G\u00ebziq, fshat n\u00eb periferi t\u00eb Rr\u00ebshenit, nd\u00ebrsa n\u00eb qytet ishit me statusin \u201ci internuar\u201d. Si duhet kuptuar kjo?<\/em><\/strong><\/h5>\n

Po, e drejt\u00eb. T\u00eb par\u00ebt e mij e kishin l\u00ebn\u00eb shum\u00eb her\u00ebt G\u00ebziqin dhe kishin nd\u00ebrtuar jet\u00ebn n\u00eb Sauk t\u00eb Tiran\u00ebs, nj\u00eb sht\u00ebpi q\u00eb e kishin bler\u00eb q\u00eb nga koha e Zogut. Pra ata ishin vendosur n\u00eb Sauk dhe kjo kishte shum\u00eb vite, aq sa n\u00eb G\u00ebziq nuk kishte mbetuar asgj\u00eb. Me pun\u00ebn e tyre kishin mundur t\u00eb blinin nj\u00eb vil\u00eb p\u00ebr banim, n\u00eb nj\u00eb vend mjaft t\u00eb rend\u00ebsish\u00ebm, shum\u00eb af\u00ebr me pallatin e Mbretit Zog.<\/strong> N\u00eb k\u00ebt\u00eb vil\u00eb kemi banuar deri n\u00eb vitin 1957. Pik\u00ebrisht k\u00ebt\u00eb vit jemi marr\u00eb pothuaj forc\u00ebrisht dhe jemi sjell\u00eb ne Rr\u00ebshen, n\u00eb nj\u00eb barak\u00eb me d\u00ebrrasa, ku jetonin shum\u00eb familje<\/strong>. P\u00ebr ne ishte rezervuar vet\u00ebm nj\u00eb dhom\u00eb. Ishte n\u00ebna me kat\u00ebr f\u00ebmij\u00eb dhe halla, pasi babain e kishin arrestuar p\u00ebrpara se t\u00eb na nisnin ne p\u00ebr n\u00eb Rr\u00ebshen.<\/strong><\/p>\n

Ti si\u00e7 thua ke qen\u00eb 9 vje\u00e7, pra f\u00ebmij\u00eb dhe s\u2019mund t\u00eb dije asgj\u00eb. M\u00eb von\u00eb ke m\u00ebsuar t\u00eb v\u00ebrtet\u00ebn, sidomos pas r\u00ebnies s\u00eb komunizmit. Cila \u00ebsht\u00eb ajo?<\/em><\/strong><\/h5>\n

E v\u00ebrteta ka qen\u00eb se t\u00eb par\u00ebt e mij e kan\u00eb mb\u00ebshtetur l\u00ebvizjen naciona\u00e7lirimtare me m\u00ebnyra t\u00eb ndryshme. Pakkush nuk mund t\u00eb parashikonte asokohe se \u00e7far n\u00eb fakt ishte kjo, prandaj pati mb\u00ebshtetje masive<\/strong>. Kjo u vler\u00ebsua fillimisht nga pushteti i sapo vendosur, por jo p\u00ebr shum\u00eb gjat\u00eb.<\/strong><\/p>\n

Si e konideroni \u00a0\u201ckthes\u00ebn\u201d ndaj jush, apo mundet q\u00eb vila n\u00eb nj\u00eb pik\u00eb kaq t\u00eb lakmur n\u00eb at\u00eb koh\u00eb mund t\u00eb kishte ra n\u00eb sy?<\/em><\/strong><\/h5>\n

Si\u00e7 thash\u00eb n\u00eb fillime kishim mb\u00ebshtetje nga pushteti i koh\u00ebs, pasi n\u00eb kuad\u00ebr t\u00eb mb\u00ebshtetjes s\u00eb luft\u00ebs, nj\u00eb xhaxha i imi i cili kishte talent n\u00eb dizanjim<\/strong>, i kishte realizuar disa dokumenta me identitete t\u00eb ndryshme vet\u00eb E. Hoxh\u00ebs, p\u00ebr t\u00eb mos ra n\u00eb duar t\u00eb italian\u00ebve. Kjo ishte veler\u00ebsuar nga ai dhe pak para se t\u00eb niste kalvari yn\u00eb, na edhi n\u00eb sht\u00ebpi p\u00ebr vizit\u00eb.<\/strong><\/p>\n

Si ndodhi kjo, \u00e7far mund t\u00eb na thuash?<\/em><\/strong><\/h5>\n

Po e v\u00ebrtet\u00eb, madje si\u00e7 m\u00eb kan\u00eb th\u00ebn\u00eb t\u00eb familjes mua m\u00eb ka marr\u00eb n\u00eb krah\u00eb. Pak para se t\u00eb na internonin, ka ardhur i shoq\u00ebruar me Haxhi Lleshin, Mehmet Shehun, Kadri Azbiun, dhe me Destan Met\u00ebn,<\/strong> shoq\u00ebrues i Haxhi Lleshit q\u00eb m\u00eb von\u00eb erdhi familjarisht n\u00eb Rr\u00ebshen dhe ka punuar si oficer n\u00eb deg\u00eb. Pasi kan\u00eb b\u00ebr\u00eb vizit\u00ebn kan\u00eb dal\u00eb n\u00eb oborr duke i shoq\u00ebruar babai im Gega. N\u00eb nj\u00eb moment Enveri i \u00ebsht\u00eb kthyer dhe i ka th\u00ebn\u00eb se nuk ke b\u00ebr\u00eb mir\u00eb q\u00eb ke pritur n\u00eb banes\u00eb dikur edhe gjeneral Prenk P\u00ebrvizin, q\u00eb \u00ebsht\u00eb nj\u00eb tradh\u00ebtar dhe armik i rreziksh\u00ebm<\/strong>. Babai ashtu shpenguesh\u00ebm me iden\u00eb e mikprit\u00ebsit i ka th\u00ebn\u00eb se nuk e dija se do dilte armik. Ja edhe ndokush nga ju mund t\u00eb dal\u00eb nes\u00ebr i till\u00eb, por un\u00eb ju prita si miq.<\/strong> Kjo shprehje duket se nuk \u00ebsht\u00eb p\u00ebrtypur, ose \u00ebsht\u00eb p\u00ebrdorur si shkak p\u00ebr sulmin q\u00eb na u b\u00eb. <\/strong><\/p>\n

Nuk vonoi shum\u00eb dhe nis\u00ebn sulmet. Babai u arrestua, ashtu edhe xhaxhai Ndue dhe gjyshi Lleshi,<\/strong> nd\u00ebrsa ne u transferuam t\u00eb gjith\u00eb n\u00eb Rr\u00ebshen, p\u00ebr tu paraqitur \u00e7do dit\u00eb para deg\u00ebs s\u00eb brendshme. Duhet t\u00eb theksoj se Destan Meta q\u00eb ishte n\u00eb at\u00eb vizit\u00eb fatale p\u00ebr famijen time si shoq\u00ebrues i Haxhi Lleshit<\/strong>, u habit q\u00eb na kishin internuar ne Rr\u00ebshen dhe gjat\u00eb gjith\u00eb koh\u00ebs \u00ebsht\u00eb munduar t\u00eb na p\u00ebrkrahte me aq mund\u00ebsi sa kishte.<\/strong><\/p>\n

N\u00eb Rr\u00ebshen nis\u00ebt nj\u00eb jet\u00eb tjet\u00ebr, t\u00eb v\u00ebshtir\u00eb. Ti vazhdove shkoll\u00ebn. \u00c7far mund t\u00eb thuash m\u00eb tej.<\/em><\/strong><\/h5>\n

Di q\u00eb at\u00eb vit e humba klas\u00ebn e dyt\u00eb se ardhja k\u00ebtu pati konseguencat e veta. Por vijova vitin tjet\u00ebr dhe m\u00ebsoja shum\u00eb. Isha nx\u00ebn\u00ebs q\u00eb kurr\u00eb nuk merrja poshte not\u00ebs 9-t\u00eb, por m\u00eb shumt\u00eb 10-ta, p\u00ebrve\u00e7 l\u00ebnd\u00ebs s\u00eb \u201cmarksizmit\u201d.<\/strong><\/p>\n

Mos do thuash se k\u00ebt\u00eb l\u00ebnd\u00eb e urreje?<\/em><\/strong><\/h5>\n

Jo, nuk e di n\u00ebse e urreja apo jo, por di q\u00eb e m\u00ebsoja m\u00eb shum\u00eb se \u00e7do l\u00ebnd\u00eb tjet\u00ebr. Por m\u00ebsuesi gjithnj\u00eb m\u00eb vendoste not\u00ebn 7-t\u00eb<\/strong>. Natyrisht kjo ishte porosi p\u00ebr t\u00eb na shmangur me \u201clezet\u201d nga shkollimi i lart\u00eb, pasi ishte kusht q\u00eb n\u00eb k\u00ebt\u00eb l\u00ebnd\u00eb t\u00eb kishe not\u00ebn 8 e lart.<\/strong><\/p>\n

Biles do ju them nj\u00eb episod<\/strong>. Kur po mbaronte viti shkollor, pra ishte ora e fundit e marksizmit, m\u00ebsuesi me \u00e7on n\u00eb d\u00ebrras\u00eb p\u00ebr t\u00eb shkruar m\u00ebsimin e kaluar. Un\u00eb duke e ditur mir\u00eb se do \u00e7ohesha n\u00eb m\u00ebsim dhe se ky m\u00ebsues k\u00ebrkonte ose m\u00ebsimin e dit\u00ebs, ose m\u00ebsimin e kaluar, kisha p\u00ebrgatitur nj\u00eb kopje, n\u00eb t\u00eb cilin kisha shkruar fjal\u00eb p\u00ebr fjal\u00eb m\u00ebsimin, madje me shenja pik\u00ebsimi<\/strong>. M\u00ebsuesi pasi e pa, direkt m\u00eb tha ulu n\u00eb vend, ke not\u00ebn 7-t\u00eb.<\/strong><\/p>\n

Duke e ditur se ishte ora e fundit dhe nuk kishte \u00e7far\u00eb m\u00eb b\u00ebnte, i them m\u00ebsuesit, shoku m\u00ebsues not\u00ebn 7-t\u00eb e meriton libri jo un\u00eb, se un\u00eb \u00e7do fjal\u00eb t\u00eb librit kam shkruar n\u00eb d\u00ebrras\u00eb<\/strong>. Edhe n\u00eb provimin e lirimit, megjith\u00ebse isha shum\u00eb i p\u00ebrgatitur, ky m\u00ebsues nguli k\u00ebmb\u00eb para komisionit q\u00eb t\u00eb merrja 7-t\u00eb, pasi k\u00ebto ishin notat q\u00eb kisha marr\u00eb gjat\u00eb vitit<\/strong>. K\u00ebtu u vulos p\u00ebrfundimisht q\u00eb un\u00eb t\u00eb mos shkoja n\u00eb shkoll\u00eb t\u00eb lart\u00eb, qoft\u00eb p\u00ebr m\u00ebsues fiskulture q\u00eb ishte p\u00ebr tre vite.<\/strong><\/p>\n

Po me babain t\u00ebnd, Geg\u00ebn \u00e7far\u00eb u b\u00eb?<\/strong><\/h5>\n

E liruan nga burgu pas 7 vitesh dhe erdhi pran\u00eb familjes n\u00eb Rr\u00ebshen. Punoi si lulishtar k\u00ebtu derisa doli n\u00eb pension. Solli n\u00eb jet\u00eb edhe kat\u00ebr f\u00ebmij\u00eb t\u00eb tjer\u00eb. Bashk\u00ebkoh\u00ebsit e kujtojn\u00eb v\u00ebllain e madh Nikollin q\u00eb punoi gjithnj\u00eb bojaxhi n\u00eb Nd\u00ebrtim, por edhe motrat Roza, Landa, Frida, Eva, Donika, Brixhilda Gje\u00e7i.<\/strong><\/p>\n

Le t\u00eb kthehemi te fiskultura dhe sportet. Kur e konstatuat se do ishe dikushi n\u00eb sport?<\/em><\/strong><\/h5>\n

Isha f\u00ebmij\u00eb dhe luanim me top prej lecke. Aty teksa mbushja 12 vje\u00e7 nisi pasion i fort\u00eb dhe teksa rritesha, shkoja t\u00eb ndiqja st\u00ebrvitjet, por edhe ndeshjet e ekipit t\u00eb \u201cMinatorit\u201d, ndeshje q\u00eb asokohe b\u00ebheshin n\u00eb nj\u00eb fush\u00eb af\u00ebr lumit Fan i Vog\u00ebl, posht\u00eb kull\u00ebs s\u00eb Preng P\u00ebrgjetani<\/strong>t. U afroja topin, por ndodhi q\u00eb traineri shkodran, i paharruari Mustafa Top\u00e7iu filloi t\u00eb m\u00eb fuste t\u00eb st\u00ebrvitesha me ekipin, fal\u00eb edhe m\u00ebsuesit Xhabir Shurdha.<\/strong><\/p>\n

\u2026dhe k\u00ebtij m\u00ebsuesi shkodran, besoj n\u00eb vitin 1965 ja dedikoni realizimin e k\u00ebsaj \u00ebndrre?<\/em><\/strong><\/h5>\n

Padyshim, ky ishte traineri q\u00eb m\u00eb futi fillimisht t\u00eb st\u00ebrvitesha, m\u00eb von\u00eb m\u00eb mori zyrtarisht pjes\u00eb t\u00eb ekipit, duke me dor\u00ebzuar bluz\u00ebn me nr 10 dhe pozicionin e sulmuesit. Kjo m\u00eb vendosi para p\u00ebrgjegjesish\u00eb t\u00eb m\u00ebdha<\/strong>. Dhe rezultati erdhi papritmas. N\u00eb nj\u00eb kampionat ku jan\u00eb sh\u00ebnuar 37 gola, 28 prej tyre jan\u00eb sh\u00ebnuar nga un\u00eb. Fjala mori dhen\u00eb aq sa ekipet, kund\u00ebrshtare por m\u00eb shum\u00eb tifozeria, kur u shkonte \u201cMinatori\u201d \u00a0n\u00eb der\u00eb, pyesnin, a ka ardhur ai 10-shi<\/strong>. Biles u b\u00eb kryelajm sportiv, kur un\u00eb n\u00eb nj\u00eb ndeshje me Partizanin, arrita ti b\u00ebj nj\u00eb gol spektakolar, nga distanca, legjend\u00ebs P\u00ebrlat Musta. <\/strong><\/p>\n

N\u00eb pushim t\u00eb ndeshjes ishte lojtari z\u00ebmadh Safet Berisha q\u00eb i thot\u00eb Panos, si e h\u00ebngre at\u00eb gol, nga kaq larg\u2026<\/strong>ky n\u00eb nxeht\u00ebsi e siper thot\u00eb, a p\u00ebrballohet ky maloku\u2026n\u00eb fakt Musta pas k\u00ebsaj k\u00ebmb\u00ebnguli t\u00eb b\u00ebja nj\u00eb foto me t\u00eb, nd\u00ebrkoh\u00eb q\u00eb nuk vonuan shum\u00eb dit\u00eb kur me erdhi njoftimi se Partizani, por edhe Vllaznia k\u00ebrkonin me ngut q\u00eb un\u00eb t\u00eb b\u00ebhesha pjes\u00eb e ekipeve t\u00eb tyre.<\/strong><\/p>\n

Ti refuzove\u2026..<\/em><\/strong><\/h5>\n

\u2026qesh, jo ishte \u00ebnd\u00ebrr p\u00ebr mua, por kush m\u00eb lejonte<\/strong>. Ishte biografia q\u00eb m\u00eb kishte izoluar k\u00ebtu dhe nuk kisha asnj\u00eb mund\u00ebsi. T\u00eb them t\u00eb drejt\u00ebn me vinte habi se gjith\u00eb k\u00ebto gola q\u00eb b\u00ebja, n\u00eb asnj\u00eb rast n\u00eb analiza apo raporte nuk m\u00eb p\u00ebrmendej emri kurr\u00eb se isha un\u00eb ai q\u00eb i kisha realizuar<\/strong>, por ekipi.<\/p>\n

Si i kujton ndeshjet dhe lojtar\u00ebt, me k\u00eb keni bashk\u00ebpunuar m\u00eb shum\u00eb?<\/strong><\/h5>\n

Kujtoj plot nostalgji ndeshjet me La\u00e7in, Burrelin, Kuk\u00ebsin, Librazhdin, Peshkopin\u00eb<\/em><\/strong> etj etj. Kishim krijuar nj\u00eb ekip t\u00eb friksh\u00ebm me lojtar\u00eb si Elez Kasemi, Preng Tusha, Gjon Ndoka, Lad Pashai, Preng Jushi, Lorenc Lala, Selman Karaj, Bilbil Ciro, Alsid Mirashi, Ndue Gega, Gjovalin Kola<\/strong> e shum\u00eb t\u00eb tjer\u00eb.<\/p>\n

Nd\u00ebrkoh\u00eb q\u00eb luaje me ekipin, ku punoje dhe \u00e7far trajtimi kishit?<\/em><\/strong><\/h5>\n

Fillimisht kam punuar si xhenerik n\u00eb PAM (Parku Automobilistik i Mallrave)<\/strong>, por pas dy vitesh kalova si bojaxhi p\u00ebr automjetet e k\u00ebtij parku.<\/strong> Kisha dor\u00eb n\u00eb k\u00ebt\u00eb fush\u00eb, aq sa shpesh na merrnin me urdh\u00ebr edhe p\u00ebr t\u00eb shkruar parulla n\u00ebp\u00ebr qytet apo nd\u00ebrmarrje t\u00eb tjera. Kishim nj\u00eb norm\u00eb ushqimore q\u00eb e konsumonim me list\u00eb em\u00ebrore n\u00eb turizmin e qytetit.<\/strong><\/p>\n

Si pritej loja jote nga tifozeria vendase?<\/em><\/strong><\/h5>\n

Duhet pranuar se ekipi kishte tifozeri t\u00eb zjarrt\u00eb. Habiteshim shum\u00eb kur i shikonim q\u00eb mb\u00ebrrinin para nesh n\u00eb fushat prit\u00ebse jasht\u00eb rrethit<\/strong>, por edhe mb\u00ebshtetje e jasht\u00ebzakonshme ne fush\u00ebn ton\u00eb e cila m\u00eb von\u00eb u zhvendos aty ku sot \u00ebsht\u00eb stacioni i trenit.<\/p>\n

Dhe k\u00ebsaj historie, asaj t\u00eb futbollit nj\u00eb dit\u00eb do i vinte fundi. <\/em><\/strong>Si e kujtoni?<\/em><\/strong><\/h5>\n

Si mos me keq. Di q\u00eb ndeshja m\u00eb e fundit e imja ka qen\u00eb n\u00eb Rr\u00ebshen me ekipin e Skraparit, n\u00eb vitin 1983.<\/strong> Mbaroi ndeshja dhe dor\u00ebzova fanell\u00ebn time. Ishte fundi i kampionatit n\u00eb pranver\u00ebn e vitit 1983, pas 17 vitesh ndeshje pafund, fitore e zhg\u00ebnjime<\/strong>. Dhe ajo \u00e7far\u00eb dua t\u00eb them ishte se u b\u00eb nj\u00eb largim i beft\u00eb, as falenderim e larg qoft\u00eb ndonj\u00eb ceremoni<\/strong> sado modeste. Thjesht u largova ne pun\u00ebn time, pasi koha mbaroi dhe un\u00eb nuk mund t\u00eb p\u00ebrballoja m\u00eb tej loj\u00ebn e fort\u00eb q\u00eb b\u00ebja deri at\u00eb dit\u00eb.<\/strong><\/p>\n

M\u00eb tej, \u00e7far\u00eb u b\u00eb me ty, ku punove?<\/em><\/strong><\/h5>\n

Aty ku isha, n\u00eb park. Kisha krijuar familjen dhe duhej t\u00eb punoja. Punova deri n\u00eb vitin 1992 kur parku u shua.<\/strong> Demokracia kishte ardhur nd\u00ebrkoh\u00eb, por nuk mund t\u00eb gjeja vend pune. Pasi punova dy vite n\u00eb komunale, mbeta 11 vite pa pun\u00eb.<\/strong> Po me rrezikohej pensioni, nd\u00ebrkoh\u00eb m\u00eb th\u00ebrret m\u00ebsues Ndue Gega q\u00eb u b\u00eb kryetar bashkie. Ai me kujtoi koh\u00ebn kur luanim bashke futboll, nd\u00ebrsa m\u00eb tha nes\u00ebr duhet t\u00eb paraqitesh n\u00eb pun\u00eb, n\u00eb bashki<\/strong>. Punova disa vite n\u00eb sektorin ndihm\u00ebs deri kur dola n\u00eb pension.<\/p>\n

Po pasi hyri demokracia, \u00e7far\u00eb u b\u00eb me banes\u00ebn tuaj q\u00eb pat\u00ebt l\u00ebn\u00eb n\u00eb Sauk. A keni b\u00ebr\u00eb p\u00ebrpjkje p\u00ebr njohjen e saj?<\/em><\/strong><\/h5>\n

E kot\u00eb, jemi marr\u00eb shum\u00eb. P\u00ebr shum\u00eb koh\u00eb ka sh\u00ebrbyer si vil\u00eb qeveritare p\u00ebr Kadri Azbiun. M\u00eb von\u00eb nuk di \u00e7far \u00ebsht\u00eb b\u00ebr\u00eb me t\u00eb<\/strong>. Nuk gjendet asnj\u00eb let\u00ebr n\u00eb arkiva dhe askund. Duhet ta ken\u00eb sh\u00ebmbur dhe varet se \u00e7far \u00ebsht\u00eb b\u00ebr\u00eb me at\u00eb truall. Esht\u00eb e kot\u00eb, ndaj kemi shuar \u00e7do p\u00ebrpjekje.<\/strong><\/p>\n