{"id":16231,"date":"2022-08-24T18:24:43","date_gmt":"2022-08-24T18:24:43","guid":{"rendered":"https:\/\/pirustinews.com\/?p=16231"},"modified":"2022-09-17T06:07:25","modified_gmt":"2022-09-17T06:07:25","slug":"muzeu-historik-i-mirdites-ne-tre-etapa-humanisti-gjon-krasniqi-me-banim-ne-zvicer-merr-persiper-rivitalizimin-pas-rikonstruksionit","status":"publish","type":"post","link":"https:\/\/pirustinews.com\/?p=16231","title":{"rendered":"Muzeu Historik i Mirdit\u00ebs n\u00eb tre etapa. Humanisti Gjon Krasniqi me banim n\u00eb Zvic\u00ebr, merr p\u00ebrsip\u00ebr rivitalizimin pas rikonstruksionit."},"content":{"rendered":"

-Nga Aleksand\u00ebr Ndoja-<\/em><\/strong><\/p>\n

Episodi i par\u00eb, tetor 1977.<\/strong><\/h3>\n

Ka qen\u00eb viti 1977, kur Muzeu Historik i Mirdit\u00ebs ende nuk kishte mbushur nj\u00eb vit q\u00eb ishte nd\u00ebrtuar dhe hapur p\u00ebr vizitor\u00ebt e shumt\u00eb t\u00eb koh\u00ebs<\/strong>. Ishim n\u00eb klas\u00ebn e pest\u00eb dhe rruga p\u00ebr tek banesat tona kalonte p\u00ebrbri muzeut, m\u00eb ku p\u00ebrmes nj\u00eb trungu i vendosur si ur\u00eb kalimi, hidheshim n\u00eb an\u00eb tjet\u00ebr t\u00eb lumth-it t\u00eb Zmes\u00eb<\/strong>, p\u00ebr t\u00eb vijuar rrug\u00ebn p\u00ebr n\u00eb sht\u00ebpi. Mbaj mend se shpesh ndalonin dhe shikonim p\u00ebrtej kangjellave t\u00eb hekurta nd\u00ebrtes\u00ebn, e cila vizitohej n\u00eb m\u00ebnyr\u00eb t\u00eb organizuar nga shkollat, apo kolektivat punonj\u00ebse<\/strong>. Edhe pse ishin kurioz\u00eb p\u00ebr \u00e7far mbarte ajo nd\u00ebrtes\u00eb tipike p\u00ebr koh\u00ebn, sidomos n\u00eb v\u00ebshtrim t\u00eb ne f\u00ebmij\u00ebve 10 vje\u00e7ar\u00eb, nuk na kishte mb\u00ebrritur rradha p\u00ebr t\u00eb hyr\u00eb n\u00eb ato ambiente.<\/strong><\/p>\n

Nj\u00eb dit\u00eb prej atyre dit\u00ebve, n\u00eb ndales\u00ebn ton\u00eb t\u00eb zakonshme si f\u00ebmij\u00eb q\u00eb na e kishte qefi pak t\u00eb hallakateshim, na del p\u00ebrball\u00eb nj\u00eb burr\u00eb dhe na e b\u00ebn n\u00eb dor\u00eb t\u00eb afroheshim.<\/strong> M\u00eb von\u00eb m\u00ebsuam se quhej Mark Paci, nj\u00eb em\u00ebr tejet i mir\u00ebnjohur n\u00eb Mirdit\u00eb n\u00eb fush\u00ebn e muzeologjis\u00eb dhe kultur\u00ebs<\/strong>. Me nj\u00eb but\u00ebsi tipike na pyet se t\u00eb kujt ishim dhe p\u00ebr shkollimin. Pasi kuptoi se ne kishim shum\u00eb d\u00ebshir\u00eb t\u00eb hynim n\u00eb muze, na shoq\u00ebroi n\u00eb \u00e7do pavion e stend\u00eb duke na dh\u00ebn\u00eb informacione pafund. Neve si f\u00ebmij\u00eb q\u00eb ishim na b\u00ebri p\u00ebrshtypje \u00e7do gj\u00eb, sidomos pjesa e zbuluar n\u00eb mes t\u00eb muzeut ku ishte imituar nj\u00eb pus uji dhe disa objekte t\u00eb tjera<\/strong>. Ajo \u00e7far na surprizoi m\u00eb shum\u00eb dhe q\u00eb b\u00ebri q\u00eb kjo vizit\u00eb t\u00eb na mbeste gjat\u00eb n\u00eb kujtes\u00eb, ishte fakti se teksa po dilnim, Mark Paci na dhuroi nga nj\u00eb lib\u00ebr t\u00eb vog\u00ebl me ngjyra, nj\u00eb botim enkas p\u00eb muzeun. Kjo na b\u00ebri shum\u00eb p\u00ebrshtypje, b\u00ebri at\u00eb q\u00eb k\u00ebt\u00eb detaj ta mbanim n\u00eb kujtes\u00eb.<\/strong><\/p>\n

Episodi i dyt\u00eb, 30 vite m\u00eb von\u00eb. Dhjetor 2007.<\/strong><\/h3>\n

Kam qen\u00eb duke kaluar n\u00eb rrug\u00ebn kryesore n\u00eb Rr\u00ebshen, kur p\u00ebrball\u00eb m\u00eb shfaqet Pjet\u00ebr Marku duke ma b\u00ebr\u00eb me dor\u00eb nga larg. Afrohem ta takoj pasi ato dit\u00eb kishte marr\u00eb detyr\u00ebn e drejtuesit t\u00eb Muzeut Historik, <\/strong>pas disa viteve si drejtues i Pallatit t\u00eb Kultur\u00ebs. Pjetri m\u00eb thot\u00eb se nuk kam \u00e7far them se si \u00ebsht\u00eb situata n\u00eb muze, po hajde dhe shikoje vet\u00eb. N\u00eb pak hapa mb\u00ebrrit\u00ebm n\u00eb at\u00eb vend. Situata ishte e jasht\u00ebzakonshme. Binte shi papushim, nd\u00ebrsa \u00e7far binte jasht\u00eb, pa nd\u00ebrprerje binte edhe brenda. T\u00eb gjitha stendat dhe objektet ishim kalbur. Muret ishin t\u00eb lerosura, me suvatime t\u00eb r\u00ebna, nd\u00ebrsa pjesa e etnografis\u00eb ishte kalbur totalisht<\/strong>. N\u00eb nj\u00eb d\u00ebrras\u00eb n\u00eb tok\u00eb ishin vendosur tre sigureza elektrike,<\/strong> nga ato t\u00eb modelit t\u00eb vjet\u00ebr me fishek dhe rrotulluese. Edhe oborri dhe an\u00ebt e jashtme t\u00eb muzeut ishin pushtuar nga ferrat.<\/strong><\/p>\n

I them Pjetrit, dalim prej k\u00ebtu e takojm\u00eb ish drejtuesien e muzeut deri ato dit\u00eb, k\u00ebng\u00ebtari e mir\u00ebnjohur Kol Zefi i cili nga kjo rrokad\u00eb kishte shp\u00ebtuar nga muzeu dhe i ishte kthyer habitatit t\u00eb vet,<\/strong> pra si drejtues i sektorit t\u00eb muzik\u00ebs n\u00eb Pallatin e Kultur\u00ebs.<\/strong><\/p>\n

Pasi e pyta se t\u00eb pakt\u00ebn energji elektrike a mund t\u00eb lidhet n\u00eb muze, Kola me at\u00eb humorin e tij sharmant, i thot\u00eb: Ore Pjet\u00ebr a e kupton se aty nuk ka asgje, e pik\u00ebrisht p\u00ebr k\u00ebt\u00eb arsye t\u00eb kan\u00eb \u00e7uar ty aty, se vet\u00ebm ti mund t\u00eb b\u00ebsh di\u00e7ka q\u00eb ai vend t\u00eb shp\u00ebtoj\u00eb.<\/strong> E lam\u00eb Kol\u00ebn n\u00eb humorin e tij dhe u paraqit\u00ebm s\u00ebrish n\u00eb objekt. Jo pa frik\u00eb<\/strong>, duke marr\u00eb masa izoluese duke hypur n\u00eb nj\u00eb karrige q\u00eb nuk e kishte lagur shiu, vendos\u00ebm nj\u00eb e nga nj\u00eb sigurezat duke kthyer energjin\u00eb n\u00eb disa dhoma. Aty u binda se delegimi i Pjetrit n\u00eb at\u00eb institucion nuk kishte prapavija apo inskenime, por vet\u00ebm nj\u00eb zgjedhje p\u00ebr zgjidhje. <\/strong><\/p>\n

Dhe n\u00eb t\u00eb v\u00ebrtet\u00eb ashtu ndodhi. U desh vet\u00ebm pastrimi pas shum\u00eb vitesh i tarrac\u00ebs nga nga gjethet e kalbura t\u00eb pem\u00ebve, p\u00ebr t\u00eb zhbllokuar tubat kullues. Pas atij momenti asnje pik\u00eb uji nuk dep\u00ebrtoi ne muze. N\u00eb pak dit\u00eb situata mori kthes\u00eb rr\u00ebnj\u00ebsore. <\/strong>Bashkia i la n\u00eb dispozicion disa punonj\u00ebs t\u00eb brigad\u00ebs t\u00eb cil\u00ebt u muar\u00ebn me suvatime, lyerje e riparime t\u00eb ndryshme. Pjetri vet\u00eb, si piktor me p\u00ebrvoj\u00eb punonte papushim n\u00eb arredimin e pikturave, stendave apo edhe busteve t\u00eb ndryshme t\u00eb figurave historike<\/strong>. Nj\u00eb projekt i fituar me fonde t\u00eb huja b\u00ebri q\u00eb ambientet e jashtme t\u00eb pushtoheshin nga pem\u00eb dekorative dhe lulishte funksionale dhe mjaft cil\u00ebsore, nd\u00ebsa nj\u00eb grup student\u00ebsh t\u00eb Arteve, kryesuar nga Benard Lekgegaj me profesoret e tyre, dhuruan disa buste t\u00eb disa figurave t\u00eb r\u00ebnd\u00ebsishme t\u00eb historis\u00eb son\u00eb, punuar me duart e tyre.<\/strong><\/p>\n

Episodi i tret\u00eb, situata sot n\u00eb muzeun historik dhe nj\u00eb lajm i mir\u00eb nga humanisti Gjon Krasniqi, me banim n\u00eb Zvic\u00ebr.<\/strong><\/h4>\n

Nj\u00eb fond i kompletuar nga bashkia Mirdit\u00eb dhe buxheti i shtetit, ka b\u00ebr\u00eb q\u00eb Muzeu Historik t\u00eb njoh\u00eb nj\u00eb dimension t\u00eb jasht\u00ebzakonsh\u00ebm p\u00ebr nj\u00eb objekt t\u00eb k\u00ebsaj kategorie. Pasi u rind\u00ebrtua Pallati i Sportit, Pallati i Kultur\u00ebs, Ish Kinamaja qe u kthye n\u00eb Qend\u00ebr Kulturore f\u00ebmij\u00ebve, nj\u00eb s\u00ebr\u00eb instutucionesh t\u00eb tjera social kulturore, n\u00eb rradh\u00eb ishte dhe Muzeu Historik.<\/strong> Prej disa muajsh firma ndertuese \u201cShpani\u201d po i jep dor\u00ebn e fundit restauruese n\u00eb parametra bashkohor\u00eb.<\/strong> Gjok Pepa si drejtues i k\u00ebtij institucioni, nj\u00eb mbikqyr\u00ebs i pa l\u00ebkundur i pun\u00ebve restauruse,<\/strong> pasi tregon p\u00ebr \u00e7far \u00ebsht\u00eb b\u00ebr\u00eb aty, ngren shqet\u00ebsimin se k\u00ebrkohet shum\u00eb pun\u00eb n\u00eb mbushjen e eksponateve dhe hap\u00ebsirave, t\u00eb cilat jan\u00eb dyfishur.<\/strong><\/p>\n

Por duket se k\u00ebt\u00eb shqet\u00ebsim e ka ezauruar humanisti dhe mik i mirditasve me banim n\u00eb Zvic\u00ebr z. Gjon Krasniqi i cili ka qen\u00eb nj\u00eb nj\u00eb vizit\u00eb \u201cblic\u201d n\u00eb Rr\u00ebshen, nj\u00eb dit\u00eb m\u00eb par\u00eb. Lajmin e b\u00ebn me dije kryetari i bashkis\u00eb z. Ndrec Dedaj<\/strong> i cili pak minuta m\u00eb par\u00eb ka theksuar se: \u201cPata nderin t\u00eb pres humanistin e njohur Gjon Krasniqin nj\u00eb shqiptar\u00eb i mir\u00eb nga Lugu i Beranit q\u00eb punon e jeton familjarisht n\u00eb Zvicer! Nd\u00ebr t\u00eb tjera, biseduam p\u00ebr kontributin humanitar\u00eb n\u00eb Mirdit\u00eb dhe projektet n\u00eb t\u00eb ardhmen, nd\u00ebrkoh shprehu gadishm\u00ebrin\u00eb p\u00ebr t\u00eb mb\u00ebshtetur rivitalizimin e Muzeut Historik t\u00eb Mirdit\u00ebs tashm\u00eb t\u00eb rikonstruktuar!\u201d<\/em><\/strong><\/p>\n

Ja situata sot n\u00eb ambientet e Muzeut Historik t\u00eb Mirdit\u00ebs:<\/strong> \u00a0<\/em><\/strong><\/h3>\n