{"id":17876,"date":"2023-11-08T17:07:32","date_gmt":"2023-11-08T17:07:32","guid":{"rendered":"https:\/\/pirustinews.com\/?p=17876"},"modified":"2023-11-08T18:40:53","modified_gmt":"2023-11-08T18:40:53","slug":"skandal-ne-fushe-arres-demtohet-memoriali-i-qeverise-se-kimzes-dhe-terenc-tocit","status":"publish","type":"post","link":"https:\/\/pirustinews.com\/?p=17876","title":{"rendered":"Skandal, n\u00eb Fush\u00eb Arr\u00ebs d\u00ebmtohet memoriali i Qeveris\u00eb s\u00eb Kimz\u00ebs dhe Terenc To\u00e7it."},"content":{"rendered":"

-Nga Aleksand\u00ebr NDOJA-<\/strong><\/p>\n

Nj\u00eb ngjarje e r\u00ebnd\u00eb n\u00eb kufinj t\u00eb pabesueshmes ka ndodhur nj\u00eb nat\u00eb n\u00eb qytetin e Fush\u00eb Arr\u00ebsit.<\/strong> Individ\u00eb t\u00eb pap\u00ebrgjegjsh\u00ebmm duke shfryt\u00ebzuar situat\u00ebn e r\u00ebnduar nga shiu, kan\u00eb v\u00ebn\u00eb dor\u00eb mbi memorialin historik, q\u00eb i b\u00ebn jehon\u00eb nj\u00eb nd\u00ebr ngjarjeve m\u00eb t\u00eb lavdishme n\u00eb Mirdit\u00ebn natyrale, n\u00eb t\u00eb gjith\u00eb veriun e vendit, madje ngjarje mbar\u00ebkomb\u00ebtare.<\/strong><\/p>\n

Memoriali q\u00eb p\u00ebrkujton k\u00ebt\u00eb dat\u00eb historie e lavdie, pra dat\u00ebn 26 prill 1911 \u00ebsht\u00eb lyer me boj\u00eb t\u00eb zez\u00eb n\u00eb t\u00eb gjith\u00eb sip\u00ebrfaqen e tij, duke mos kursyer as emrin e arb\u00ebreshit Terenc To\u00e7i i cili kryesonte k\u00ebt\u00eb qeveri q\u00eb i paraprinte ngjarjes s\u00ebmadhe t\u00eb 28 n\u00ebntorit t\u00eb nj\u00eb viti m\u00eb von\u00eb, por q\u00eb 34 vite m\u00eb von\u00eb, m\u00eb <\/strong>14 prill te vitit 1945, u pushkatuame vendim te gjyqit special te regjimit diktatorial dhe me urdh\u00ebr t\u00eb Enver Hoxhes dhe Ko\u00e7i Xoxes<\/strong>. K\u00ebt\u00eb vendim kriminal nuk e ndaloi edhe fakti se Terenc To\u00e7i<\/strong> ishte n\u00ebnshtetas i Italis\u00eb, i ardhur nga pjesa shqiptare e Kalbris\u00eb.<\/strong> Eshtrat e tij u gjet\u00ebn ne kodr\u00ebn e priftit ne periferi te Tiran\u00ebs.<\/strong><\/p>\n

At\u00ebher\u00eb cila \u00ebsht\u00eb arsyeja q\u00eb nd\u00ebrmerret ky veprim anti-qytetar e anti-historik ndaj nj\u00eb obelisku q\u00eb \u00ebsht\u00eb n\u00eb qend\u00ebr t\u00eb qytetit t\u00eb Fushe Arr\u00ebsit, nd\u00ebrtuar aty n\u00eb vitin 2019 nga nj\u00eb prej atdhetar\u00ebve t\u00eb mir\u00ebnjohur t\u00eb asaj Zone Dod\u00eb Luli<\/strong> dhe disa miq t\u00eb tij.<\/p>\n

Si mundet sot, n\u00eb mes t\u00eb qyetetit falanga t\u00eb err\u00ebsir\u00ebs imitojn\u00eb apo shkojn\u00eb m\u00eb tej n\u00eb idet\u00eb shtazarake t\u00eb <\/strong>Enver Hoxhes dhe Ko\u00e7i Xoxes, ndaj Terenc To\u00e7it<\/strong> dhe bak\u00ebpun\u00ebtor\u00ebve t\u00eb tij.<\/p>\n

A ekziston policia n\u00eb at\u00eb bashki, po bashkia a ka sektor q\u00eb merret me ruajtjen e sheshit t\u00eb qytetit dhe vlerave historike mbar\u00ebkom\u00ebb\u00ebtare,<\/strong> apo duhet ti besojm\u00eb portalit vendor n\u00eb rrjetet sociale \u201cFushe Arr\u00ebsi Lajme\u201d i cili b\u00ebn me dije k\u00ebt\u00eb lajm q\u00eb askush nuk duhej ta besonte, <\/strong>i cili ket\u00eb ngjarje indirekt e dedukton me faktin se bashkia e re \u00ebsht\u00eb shprehur m\u00eb shum\u00eb se nj\u00eb her\u00eb se memoriali duhet t\u00eb hiqet<\/strong>, me pretendimin e pa th\u00ebn\u00eb t\u00eb plot\u00eb, se e kan\u00eb realizuar ata.<\/strong><\/p>\n

Dod\u00eb Luli thot\u00eb se p\u00ebr ngritjen e k\u00ebtij memoriali \u00ebsht\u00eb marr\u00eb leja e institutit t\u00eb monumenteve dhe jan\u00eb realizuar t\u00eb gjitha procedurat ligjore n\u00eb Bashkin\u00eb Fush\u00eb Arr\u00ebs, nd\u00ebrsa n\u00eb dit\u00ebn e inagurimit ishte pjesmarr\u00ebs i ardhur nga Italia, nipi i Terenc To\u00e7it, <\/strong>z. Terenzio D\u2019Alenna To\u00e7i,<\/strong> por edhe nga emra t\u00eb shquar t\u00eb histiriografis\u00eb mbar\u00ebkombetare nga Shqip\u00ebria<\/strong> dhe trevat tjera jasht\u00eb Shqip\u00ebris\u00eb administrative, si <\/em>Beqir Meta, Historian, akademik\u00a0Maringlen Verli, Xhemal Me\u00e7i-Mjesht\u00ebr i Madh,\u00a0Kryetari i Komun\u00ebs s\u00eb Lipjanit Imri Ahmeti,\u00a0\u00a0Mark Pal Nika-studiues,\u00a0Paulin Zefi-Historian, p\u00ebrfaq\u00ebsues t\u00eb familjes s\u00eb Homerit shqiptar\u00a0At\u00eb Gjergj Fishta,\u00a0si\u00a0Pjet\u00ebr Noka\u00a0dhe\u00a0Besnik Paci, ish ministri i bujq\u00ebsis\u00eb\u00a0Rexhep Uka,\u00a0<\/strong> si dhe shum\u00eb t\u00eb tjer\u00eb t\u00eb ardhur nga zona t\u00eb tjera t\u00eb\u00a0Mirdit\u00ebs, Shkodr\u00ebs e Tiran\u00ebs.<\/p>\n

Dy fjal\u00eb p\u00ebr Qeverin\u00eb e Kimz\u00ebs: <\/strong><\/h3>\n

Me 26 prill 1911, Kuvendi nderkrahinor i Fanit, n\u00ebn drejtimin e Arbereshit Terenc To\u00e7i i cili u zgjodh kryetar i qeveris\u00eb s\u00eb Kimzes p\u00ebr Pavarsin\u00eb e Kombit dhe Preng Tuc Dodes<\/strong> (Flamurtari i krahines t\u00eb Fanit), Preng Marka Prenges (Flamurtari i Oroshit, mbas t\u00eb cilit ishte Abat Do\u00e7i) dhe me perfaqsues t\u00eb bajraqeve t\u00eb krahinave t\u00eb ndryshme t\u00eb veriut, ngriten flamurin e Pavarsis\u00eb, me 26 prill 1911, n\u00eb oborrin e Kishes t\u00eb Shmarkut, n\u00eb Fan\u00eb t\u00eb Mirdites por p\u00ebr arsye sigurie, p\u00ebr tu mbrojtur nga nj\u00eb sulm i mundsh\u00ebm <\/strong>nga garnizonet turke, q\u00eb ishin vendos n\u00eb fashatrat n\u00eb kufi me Fanin, si n\u00eb Arrni t\u00eb Kukesit, Kuvendi Nderkrahinor i Fanit,<\/strong> vendosi q\u00eb selin\u00eb e Qeveris\u00eb p\u00ebr Pavarsi, ta largoj\u00eb nga Fani per n\u00eb Kimez t\u00eb Mirdites, ku terreni gjeografik ishte m\u00eb i pershtatshem dhe m\u00eb i sigurt\u00eb, p\u00ebr t\u00eb mos u kuptuar nga garnizonet turke, t\u00eb vendosura n\u00eb Kuk\u00ebs<\/strong>.<\/p>\n

Ja si Pirusti \u2013 News e ka p\u00ebrcjell\u00eb ceremonin\u00eb e vendosjes s\u00eb k\u00ebtij memoriali ne vitin 2019, i cili \u00ebsht\u00eb d\u00ebmtuar nj\u00eb nat\u00eb m\u00eb par\u00eb n\u00eb qend\u00ebr t\u00eb Fushe Arr\u00ebsit: <\/strong><\/h4>\n

Fush\u00eb-Arr\u00ebs, nj\u00eb memorial madh\u00ebshtor p\u00ebr Terenc To\u00e7in e Qeverin\u00eb e Kimz\u00ebs, realizuar nga biri i k\u00ebsaj zone, Dod Luli<\/a><\/p><\/blockquote>\n