{"id":18004,"date":"2023-12-08T20:43:57","date_gmt":"2023-12-08T20:43:57","guid":{"rendered":"https:\/\/pirustinews.com\/?p=18004"},"modified":"2023-12-17T12:08:49","modified_gmt":"2023-12-17T12:08:49","slug":"histori-njerezore-si-bajraktari-i-gimajve-ne-dukagjin-shkelqen-ne-amerike-2","status":"publish","type":"post","link":"https:\/\/pirustinews.com\/?p=18004","title":{"rendered":"Histori njer\u00ebzore, si bajraktari i Gimajve n\u00eb Dukagjin shk\u00eblqen n\u00eb Amerik\u00eb"},"content":{"rendered":"

-Nga Aleksand\u00ebr NDOJA-<\/em><\/strong><\/p>\n

Vat Biga<\/strong>\u00a0\u00ebsht\u00eb pinjoll i der\u00ebs s\u00eb mir\u00ebnjohur t\u00eb bajraktarit t\u00eb Gimajve,\u00a0zon\u00eb pak kilometra n\u00eb distanc\u00eb me Thethin, n\u00eb zon\u00ebn e Dukagjinit, Shkod\u00ebr.<\/strong>\u00a0\u00cbsht\u00eb e gjith\u00ebpranuar apo v\u00ebrtetuar se si rregjimi komunist u soll kund\u00ebr bajraktar\u00ebve n\u00eb mbar\u00eb Shqip\u00ebrin\u00eb,\u00a0duke i shpallur ata kulak\u00eb apo duke i degdisuar burgjeve me d\u00ebnime nd\u00ebr t\u00eb r\u00ebndat,<\/strong>\u00a0pasi ishin pa asnj\u00eb mbrojtje, dhe gjithnj\u00eb l\u00ebnd\u00eb e par\u00eb p\u00ebr realizimin e \u201cplanit\u201d t\u00eb d\u00ebnimeve.<\/p>\n

Kjo situat\u00eb zgjati deri n\u00eb fillim viteve 90-ta\u00a0ku rregjimi despotik mori tat\u00ebpjet\u00ebn,\u00a0<\/strong>nd\u00ebrsa ata fituan lirin\u00eb. Jo pak prej tyre u mjaftuan me at\u00eb \u00e7far kishte caktuar \u201cKatovica\u201d, pra\u00a0\u201ctu japin lirin\u00eb e fjal\u00ebs, por jo pushtetin\u201d<\/strong>, pranuan t\u00eb visheshin polic\u00eb, apo t\u00eb t\u00eb kryenin kurse 3-6 mujore, sa p\u00ebr t\u00eb z\u00ebn\u00eb ndonj\u00eb vend periferik n\u00eb ndonj\u00eb administrat\u00eb.<\/p>\n

Por shumica e tyre dit\u00ebn t\u00eb\u00a0tregonin se kush ka qen\u00eb, mbetet<\/strong>. Ndon\u00ebse n\u00eb nj\u00eb koh\u00eb n\u00eb dukje me shum\u00eb mund\u00ebsi,\u00a0por me pengesa t\u00eb forta, me nj\u00eb torb\u00eb kujtimesh e bekimesh,<\/strong>\u00a0pa asgj\u00eb m\u00eb shum\u00eb mor\u00ebn rrug\u00ebn e kurbetit.
\nI till\u00eb ishte edhe Vat Biga i cili kujton se, pasi mundi t\u00eb siguronte udh\u00ebtimin me mb\u00ebshtetjen financiare t\u00eb daj\u00ebs s\u00eb tij Gjon Baftia i arratisur n\u00eb vitin 1985<\/strong>, n\u00eb vjesht\u00ebn e von\u00eb t\u00eb vitit 1994 me vet\u00ebm nj\u00eb \u00e7ant\u00eb dore dhe bashk\u00ebshorten t\u00eb sapo martuar krah tij, nis rrug\u00ebn e gjat\u00eb p\u00ebr n\u00eb kontinentin e \u00ebnd\u00ebrrave,\u00a0tej Atlantikut, n\u00eb Shtetet e Bashkuara t\u00eb Amerik\u00ebs.<\/strong>\u00a0Punoi pa komplekse p\u00ebr vite me rradh\u00eb, krijoi familjen, nd\u00ebrsa sot afro 30 vite m\u00eb von\u00eb jo vet\u00ebm fshati i tij i lindjes Gimaj, por edhe disa zona t\u00eb tjera e kan\u00eb ndjer\u00eb prej vitesh p\u00ebrkujdesjen e bajraktarit t\u00eb tyre.<\/strong><\/p>\n

Vata tregon se asnj\u00ebher\u00eb nuk e ka nd\u00ebprer\u00eb lidhjen e fshatin e tij t\u00eb lindjes,\u00a0Gimaj n\u00eb Dukagjin, fshat i cili ishte me mbi 300 familje deri n\u00eb 1992,<\/strong>\u00a0nd\u00ebrsa \u00ebsht\u00eb shpopulluar duksh\u00ebm. Ai thot\u00eb se\u00a0k\u00ebt\u00eb ide e ka injektuar edhe tek kat\u00ebr f\u00ebmij\u00ebt e tij lindur ne Shtetet e Bashkuara te Amerik\u00ebs<\/strong>, t\u00eb cil\u00ebt i ka sjell\u00eb vit p\u00ebr vit nga Amerika n\u00eb fshatin Gimaj, nd\u00ebrsa ata tashm\u00eb t\u00eb rritur nuk e kan\u00eb nd\u00ebrprer\u00eb k\u00ebt\u00eb ritual,\u00a0e p\u00ebr k\u00ebt\u00eb arsye ka rind\u00ebrtuar kull\u00ebn e tij t\u00eb her\u00ebshme n\u00eb parametrat m\u00eb bashkohore t\u00eb mundsh\u00ebm.<\/strong>\u00a0Nd\u00ebrtimi i kull\u00ebs s\u00eb tij, por edhe\u00a0nj\u00eb s\u00ebr\u00eb ivestimesh t\u00eb tjera t\u00eb b\u00ebra nga Shoqata \u201cBajraktari\u201d drejtuar nga djali i tij Ilir Biga,\u00a0<\/strong>ka b\u00ebr\u00eb q\u00eb shum\u00eb banor\u00eb ti rikthehen fshatit t\u00eb tyre, qoft\u00eb edhe n\u00eb koh\u00eb sezonale.<\/p>\n

Pak fjal\u00eb mbi gjenez\u00ebn e bajraktarit t\u00eb Gimajve.<\/strong><\/h4>\n

P\u00ebr gjenez\u00ebn e bajraktarit t\u00eb Gimajve \u00ebsht\u00eb folur shum\u00eb, madje vepr\u00ebs heroike t\u00eb shum\u00eb prej tyre i jan\u00eb kushtuar k\u00ebng\u00eb. Edhe shkrimtari Agim Prebibaj ka sjell\u00eb disa portrete t\u00eb k\u00ebsaj familje me r\u00ebnd\u00ebsi dhe histori t\u00eb spikatur t\u00eb Gimajve<\/strong>, por nuk \u00ebsht\u00eb aspak e v\u00ebshtir\u00eb p\u00ebr portretizuar t\u00eb parin e tyre,\u00a0Avdi Kola<\/strong>.<\/p>\n

Emri i Avdi Kol\u00ebs \u00ebsht\u00eb i lidhur ngusht\u00ebsisht me l\u00ebvizjet patriotike t\u00eb koh\u00ebs n\u00eb t\u00eb cilin jetoi, aq sa n\u00eb vitin 1917\u00a0<\/strong>ishte i p\u00ebrzgjedhur nd\u00ebr krer\u00ebt e veriut p\u00ebr takim me\u00a0Krajlin e Austris\u00eb<\/strong>, vend i cili kishte nj\u00eb v\u00ebmendje t\u00eb shtuar ndaj Shqiptar\u00ebve, aq sa mb\u00ebshteti fuqish\u00ebm shpalljen e pavar\u00ebsis\u00eb s\u00eb Shqip\u00ebris\u00eb.\u00a0Pra edhe Avdi Kola ishte pjes\u00eb e k\u00ebtij delegacioni t\u00eb krer\u00ebve m\u00eb t\u00eb r\u00ebnd\u00ebsish\u00ebm t\u00eb koh\u00ebs, t\u00eb prir\u00eb nga prelati i shquar<\/strong>\u00a0dhe bashk\u00ebthemeluesi i pavar\u00ebsis\u00eb dhe shtetit Shqiptar,\u00a0Dom Nikoll Ka\u00e7orri.<\/b><\/p>\n

Emri i Avdi Kol\u00ebs, ishte nd\u00ebr m\u00eb i spikaturit krahas emrave m\u00eb n\u00eb z\u00eb t\u00eb koh\u00ebs t\u00eb Shkodr\u00ebs, si\u00a0Musa Efendi Juka<\/strong>, Kryetar Bashkie i Shkodres, \u00a0Kol Ujk\u00ebs, Hassan Efendi Bekteshit, Vat Marashi,<\/strong>\u00a0Bajraktar t\u00eb Shkrelit,\u00a0Gjelosh Gjoka, Vojvoda i Kastratit, Hasan Ahmeti, Vojvoda i Postrip\u00ebs<\/strong>, por edhe\u00a0Ded Coku nga Bregu i Matit, apo Kapitan Nue Gjoni<\/strong>, v\u00ebllai i kapitanit t\u00eb Mirdit\u00ebs Marka Gjonit,\u00a0Zef Ndoci, Vojvoda i Spacit<\/strong>\u00a0(i biri i Ndoc Ndrec\u00ebs, komandant i Mirdit\u00ebs n\u00eb koh\u00eb t\u00eb turkut) po\u00a0edhe Zejnel Aga Ibalja, Vojvoda i Iball\u00ebs<\/strong>\u00a0dhe shum\u00eb t\u00eb tjer\u00ebve nga zona t\u00eb tjera t\u00eb vendit.<\/p>\n

Avdi Kola edhe pse jetoi e veproi rreth nj\u00eb shekull m\u00eb par\u00eb, la pas vepra t\u00eb r\u00ebnd\u00ebsishme si luft\u00ebtar dhe mendimtar<\/strong>, duke l\u00ebn\u00eb pas pinjoll\u00eb t\u00eb shk\u00eblqyer si\u00a0Zefin, Kol\u00ebn, Markun e sot Vat\u00ebn me djemt\u00eb e tij,<\/strong>\u00a0nd\u00ebrsa m\u00eb i angazhuari p\u00ebr t\u00eb \u00e7uar lart emrin e mir\u00eb t\u00eb der\u00ebs\u00a0s\u00eb bajraktarit t\u00eb Gimajve, mbetet Ilir Biga i cili \u00e7do her\u00eb e m\u00eb shum\u00eb \u00ebsht\u00eb pran\u00eb vendit<\/strong>, e fshatit t\u00eb origjin\u00ebs me bamir\u00ebsit\u00eb e tij, si\u00e7 dikur ndon\u00ebse n\u00eb kushte e rrethana t\u00eb ndryshme, ishte patrioti\u00a0i shquar Avdi Kola.<\/strong><\/p>\n

Vat Biga rr\u00ebfen mbi aktivitetin e Shoqat\u00ebs Patriotike \u201cBajraktari\u201d e drejtuar prej djalit t\u00eb tij, Ilir Biga<\/strong>.<\/h4>\n

N\u00eb bised\u00eb m\u00eb Vat\u00ebn, p\u00ebrkund\u00ebr nj\u00eb modestie t\u00eb natyrshme\u00a0m\u00ebson se aktiviteti prej vitesh drejtohet nga djali i tij Iliri, i cili ka mbaruar t\u00eb gjitha fazat e shkollimit n\u00eb universitetin amerikan p\u00ebr menagjim bisnesi<\/strong>. N\u00eb mars 2020 ai ka themeluar\u00a0Shoqat\u00ebn Patriotike, Atdhetare e Humanitare \u201cBajraktari\u201d e q\u00eb prej asaj kohe ka realizuar nj\u00eb s\u00ebr\u00eb investimesh n\u00eb zon\u00ebn e Dukagjinit<\/strong>\u00a0me pik\u00ebnisje restaurimin e Kish\u00ebs s\u00eb Gimajve, nd\u00ebrtimin e kompanielit n\u00eb k\u00ebt\u00eb fshat, q\u00eb \u00ebsht\u00eb pothuajse sa gjysma e Shal\u00ebs.\u00a0Puna ka vijuar me nd\u00ebrtimin e rrug\u00ebs s\u00eb re shk\u00ebmbore dhe nj\u00eb ujsjell\u00ebs t\u00eb ri p\u00ebr te Kisha.\u00a0<\/strong>N\u00eb pak koh\u00eb u rehabilitua rruga nga Kisha \u2013 Ura Gimaj \u2013 lumi i Shal\u00ebs, si dhe ur\u00ebn e re n\u00eb Xhaferaj e cila lidh Gimaj \u2013 N\u00ebnMavri\u00e7 \u2013 Breg Lumi.<\/strong><\/p>\n

Vep\u00ebr e r\u00ebnd\u00ebsishme \u00ebsht\u00eb edhe nd\u00ebrtimi \u00a0uj\u00ebsjell\u00ebsi i ri 1400 m brenda n\u00eb Gimaj, Radoj \u2013 Gimaj si dhe rezervuari i ri, nd\u00ebrsa pastrimi i malit p\u00ebr hapjen e rrug\u00ebs p\u00ebr tensionin e lart\u00eb 1.000 vat\u00ebsh<\/strong>, kabin\u00eb elektrike me tranformator n\u00eb shtyll\u00eb, si dhe ndihma p\u00ebr disa rikonstruksione sht\u00ebpiash.<\/p>\n

N\u00eb bised\u00eb me Vat\u00ebn m\u00ebson se kjo shoqat\u00eb\u00a0Amerikano \u2013 Dukagjinase \u00ebsht\u00eb donator edhe n\u00eb vendosjen e Trupores e Shna Ndout ne Breg Lumi<\/strong>, ura e telit, afer ish repartit ushtarak, e deri n\u00eb riparimin e rrug\u00ebve t\u00eb tjera n\u00eb Dukagjin. Puna do t\u00eb vijoj\u00eb pa nd\u00ebrprer\u00eb n\u00eb kontribute\u00a0p\u00ebr rrug\u00eb e Kishen katolike n\u00eb Dukagjin, p\u00ebrfundon Vat\u00eb Biga i cili i beson shum\u00eb potencialit t\u00eb shoqat\u00ebs dhe djalit t\u00eb tij, Ilir Biga.<\/strong><\/p>\n

Rreth nj\u00eb muaj m\u00eb par\u00eb,\u00a0konkretisht m\u00eb 18 n\u00ebntor 2023,\u00a0<\/strong>Ilir Biga kryetar i shoqat\u00ebs atdhetare \u201cBajraktari\u201d nga New Yorku ishte<\/strong>\u00a0sponsorizues n\u00eb nd\u00ebrtimin dhe vendosjen e \u00a0monumentit kushtuar\u00a0Papa Albanit, n\u00eb Kish\u00ebn e fshatit M\u00ebr\u00e7i n\u00eb Lezh\u00eb,<\/strong>\u00a0nd\u00ebrsa flitet p\u00ebr pritshm\u00ebri vijuese n\u00eb sponsorizime t\u00eb k\u00ebtyre natyrave q\u00eb cek\u00ebm m\u00eb lart.<\/p>\n

Me shume mbi viziten e krereve shqiptare ne Austri ne vitin 1917:<\/strong><\/h4>\n

Nga Pjet\u00ebr Logoreci\/Kur fisnik\u00ebt shqiptar\u00eb e vizituan Vjen\u00ebn n\u00eb vitin 1917, Imzot Ka\u00e7orri i printe delegacionit<\/a><\/p><\/blockquote>\n