{"id":18595,"date":"2024-09-07T10:16:47","date_gmt":"2024-09-07T10:16:47","guid":{"rendered":"https:\/\/pirustinews.com\/?p=18595"},"modified":"2025-12-11T21:59:54","modified_gmt":"2025-12-11T21:59:54","slug":"dugajeva-aktiviteti-kushtuar-nenes-terezes-nga-aleksander-ndoja","status":"publish","type":"post","link":"https:\/\/pirustinews.com\/?p=18595","title":{"rendered":"N\u00eb Dugajev\u00eb t\u00eb Klin\u00ebs, p\u00ebr N\u00ebn\u00eb Terezen shqiptare t\u00eb bot\u00ebs"},"content":{"rendered":"

Kur plot 22 vite m\u00eb par\u00eb prelati i mir\u00ebnjohur i Kish\u00ebs Katolike dr. Gjergj Gjergji<\/strong> nisi t\u00eb \u201cg\u00ebrmonte\u201d p\u00ebr nd\u00ebrtimin e nj\u00eb Kishe kushtuar N\u00ebn\u00eb Terez\u00ebs<\/strong> n\u00eb nj\u00eb kod\u00ebr plot me lisa shekullor\u00eb n\u00eb Dugajv\u00eb t\u00eb Klin\u00ebs, shum\u00eb besimtar\u00eb apo banor\u00eb t\u00eb k\u00ebtij fshati e kishin pyetur se si \u00ebsht\u00eb e mundur q\u00eb po nd\u00ebrtonte nj\u00eb Kish\u00eb t\u00eb till\u00eb, kur N\u00ebna Terez\u00eb as nuk ishte lumturuar, apo shenjt\u00ebruar.<\/p>\n

Me besim t\u00eb plot\u00eb dhe tejet i sigurt\u00eb meshtari u p\u00ebrgjigjej se, n\u00ebse N\u00ebna Tereza nuk do t\u00eb shenjt\u00ebrohet, at\u00ebher\u00eb kush tjet\u00ebr mund ta kishte k\u00ebt\u00eb fat p\u00ebrpara k\u00ebsaj n\u00ebne t\u00eb madhe\u2026. E nd\u00ebrsa puna p\u00ebr nd\u00ebrtimin e kish\u00ebs vijont\u00eb papushim, ideja e Dom Gjergj Gjergjit<\/strong> p\u00ebr nd\u00ebrtimin e nj\u00eb Kishe shum\u00eb funksionale kushtuar N\u00ebn\u00eb Terez\u00ebs nd\u00ebrpritet n\u00eb mes, pasi pik\u00ebrisht m\u00eb 25 shtator 2016<\/strong> kaloi n\u00eb amshim, nd\u00ebrsa p\u00ebr vite t\u00eb t\u00ebra kishte gjurmuar, hulumtuar dhe zbuluar shum\u00eb dokumente arkivore n\u00eb Rom\u00eb, sidomos n\u00eb Arkivin e \u201cPropaganda Fide\u201d, si dhe n\u00eb Vjen\u00eb, Paris, Lond\u00ebr, Stamboll, Selanik, p\u00ebr t\u2019i ndri\u00e7uar rr\u00ebnj\u00ebt e lashta dhe martire t\u00eb Kish\u00ebs Katolike n\u00eb Popullin Shqiptar.<\/p>\n

N\u00eb fakt Dom Gjergj Gjergji<\/strong> vet\u00ebm n\u00eb pak dit\u00eb e kishte par\u00eb e jetuar profecin\u00eb e tij, sepse 5 shtator 2016<\/strong>, vet\u00ebm 20 dit\u00eb para se famullitari i Kish\u00ebs s\u00eb N\u00ebn\u00eb Terez\u00ebs kaloi n\u00eb amshim, n\u00ebna e t\u00eb gjith\u00eb t\u00eb varf\u00ebrve t\u00eb bot\u00ebs u b\u00eb e p\u00ebrjetshme n\u00eb shenjt\u00ebrin\u00eb e saj, p\u00ebrmes nj\u00eb ceremonie madh\u00ebshtore n\u00eb Sheshin \u201cSh\u00ebn Pjetri\u201d n\u00eb Vatikan. Edhe se qendra akoma nuk ka shkuar n\u00eb parametrat e ideura nga Dom Gjergji, banor\u00ebt e Dugajev\u00ebs krenohen dhe kan\u00eb t\u00eb drejt\u00eb t\u00eb krenohen se Kisha e tyre \u00ebsht\u00eb e vetmja deri tani e cila q\u00eb n\u00eb themelet e saj i \u00ebsht\u00eb kushtuar N\u00ebn\u00eb Terez\u00ebs, dhe e vetmja q\u00eb njihet si e till\u00eb, pra Kisha e N\u00ebn\u00eb Terez\u00ebs<\/strong>.<\/p>\n

Drejt Dugajev\u00ebs p\u00ebr t\u00eb ndjekur aktivitetin e rradh\u00ebs vjetor kushtuar N\u00ebn\u00eb Terez\u00ebs, organizuar nga meshtari i k\u00ebsaj Kishe, Don Ambrozi<\/strong> dhe forumi intelektual \u201cLuigj Gurakuqi\u201d<\/strong> i Klin\u00ebs.<\/p>\n

E nd\u00ebrsa afron data 5 shtator<\/strong>, dat\u00eb q\u00eb p\u00ebrkon me shenjt\u00ebrimin e N\u00ebn\u00eb Terez\u00ebs, nuk ke se si t\u00eb mos i p\u00ebrgjigjesh ftes\u00ebs s\u00eb Forumit Intelektual t\u00eb Klin\u00ebs, kryesuar nga profesori Pal Canaj<\/strong>, p\u00ebr t\u00eb marr\u00eb pjes\u00eb n\u00eb k\u00ebt\u00eb aktivitet q\u00eb prej tre vitesh me rradh\u00eb e organizon dom Ambrozi. P\u00ebr t\u00eb mb\u00ebrritur n\u00eb Dugajev\u00eb duhet t\u00eb marr\u00ebsh rrug\u00ebn nga Klina n\u00eb drejtim t\u00eb Pej\u00ebs p\u00ebr rreth 4-5 km, nd\u00ebrsa nj\u00eb tabel\u00eb t\u00eb njofton se duhet t\u00eb kthehesh n\u00eb 90 grad\u00eb majtas, p\u00ebr t\u00eb mb\u00ebrritur n\u00eb k\u00ebt\u00eb fshat. Pasi mb\u00ebrrin n\u00eb qend\u00ebr, nj\u00eb rrug\u00eb e ngusht\u00eb e shtruar me kujdes e mjaft piktoreske t\u00eb ngjit maj\u00eb malit, aty ku N\u00ebn\u00eb Tereza t\u00eb pret krah\u00ebhapur, nd\u00ebrsa sheshi para Kish\u00ebs \u00ebsht\u00eb i mbushur si asnj\u00ebher\u00eb.<\/p>\n

Sapo mb\u00ebrrijm\u00eb n\u00eb sheshin para Kish\u00ebs, nj\u00eb nga stafi na del p\u00ebrpara p\u00ebr t\u00eb na vendosur n\u00eb rradh\u00ebn e par\u00eb mua, juristin Llesh Jaku<\/strong> q\u00eb vinim nga Mirdita n\u00eb Dugajev\u00eb, si dhe Dod Ndrecaj<\/strong>, udh\u00ebrr\u00ebfyesi jon\u00eb i p\u00ebrhersh\u00ebm n\u00eb eventet dhe ftesat tona q\u00eb vijn\u00eb nga treva dardane.<\/p>\n

Moderatore e k\u00ebtij eventi \u00ebsht\u00eb Martina Nikprelaj<\/strong>, nj\u00eb besimtare e k\u00ebsaj famullie, prind\u00ebrit e s\u00ebcil\u00ebs jan\u00eb kontributor\u00eb t\u00eb njohur t\u00eb k\u00ebsaj Kishe. Martina vet\u00eb \u00ebsht\u00eb nj\u00eb vajz\u00eb e re, ka nj\u00eb z\u00eb kumbues me mjaft tonalitet, nj\u00eb e folur letrare kombinuar mjaft mir\u00eb me gjuh\u00ebn e trev\u00ebs s\u00eb saj, q\u00eb b\u00ebn ta d\u00ebgjosh me k\u00ebnaq\u00ebsi. Pra gjuha q\u00eb p\u00ebrdor nuk \u00ebsht\u00eb imitim i sforcuar p\u00ebr tu dukur, thjesht\u00eb \u00ebsht\u00eb vetvetja n\u00eb natyrshm\u00ebrin\u00eb e saj. Edhe pse ka fuqin\u00eb e mikrofonit, nuk t\u00eb imponon n\u00eb asgj\u00eb, q\u00eb ngrihesh apo t\u00eb ulesh, t\u00eb k\u00ebrcesh apo t\u00eb k\u00ebndosh n\u00eb nj\u00eb aktivitet t\u00eb till\u00eb. Dekori i k\u00ebtij eventi plot\u00ebsohet nga nj\u00eb tjet\u00ebr Martin\u00eb e k\u00ebsaj famullie, Martina Berisha<\/strong>, nj\u00eb k\u00ebng\u00ebtare n\u00eb start, mjaft imponuese me z\u00ebrin e saj kumbues, z\u00eb t\u00eb pushton kodr\u00ebn e Dugajev\u00ebs, n\u00eb nj\u00eb k\u00ebng\u00eb p\u00ebr N\u00ebn\u00eb Terez\u00ebn. Pjes\u00eb e k\u00ebtij aktiviteti ishte edhe nj\u00eb poete e talentuar Brenda Gojani<\/strong>, e cila recitoi nj\u00eb poezi kushtuar N\u00ebn\u00eb Terez\u00ebs, nga nj\u00eb autor i huaj, p\u00ebrkthyer nga Dod Ndrecaj<\/strong>.<\/p>\n

Mesha drejtohet nga dom Lush Gjergji<\/strong>, nj\u00eb promovues i jasht\u00ebzakonsh\u00ebm i N\u00ebn\u00eb Terez\u00ebs. Dom Lush Gjergji t\u00eb l\u00eb pa fjal\u00eb n\u00eb at\u00eb \u00e7far\u00eb artikulon me shum\u00eb pasion. Ka shum\u00eb t\u00eb drejt\u00eb pasi ka pas fatin e madh q\u00eb N\u00ebn\u00eb Terez\u00ebn e ka takuar shum\u00eb her\u00ebt, q\u00eb kur ai ishte student i filozofis\u00eb, nd\u00ebrsa ka pasur takime t\u00eb shumta deri edhe n\u00eb Kalkuta t\u00eb Indis\u00eb. N\u00ebse mesha t\u00eb dikton p\u00ebr rregullat e veta, her\u00eb pas here dom Lushi, duket se “shkel” rregullin duke folur plot pasion mbi detaje shum\u00eb t\u00eb rralla t\u00eb jet\u00ebs dhe aktivitetit t\u00eb N\u00ebn\u00ebs Terez\u00eb, deri dhe n\u00eb tentativ\u00ebn e saj p\u00ebr t\u00eb refuzuar \u00e7mimin “Nob\u00ebl”<\/strong> 45 vite m\u00eb par\u00eb. Mesha u mbyll me mjaft v\u00ebmendje, nd\u00ebrsa u vijua me akademin\u00eb e organizuar nga Forumi Intelektual “Luigj Gurakuqi” i Klin\u00ebs.<\/p>\n

N\u00eb fillim, famullitari i k\u00ebsaj Kishe, dom Ambroz Demaj<\/strong>, ka falenderuar t\u00eb gjith\u00eb besimtar\u00ebt e k\u00ebsaj famullie p\u00ebr mb\u00ebshtetjen e k\u00ebtij aktiviteti, i treti n\u00eb rradh\u00eb, nd\u00ebrsa falenderim t\u00eb ve\u00e7ant\u00eb ka adresuar p\u00ebr kryetarin e komun\u00ebs s\u00eb Klin\u00ebs, z. Zenun Elezi<\/strong> dhe n\u00ebnkryetaren e k\u00ebsaj komune, Marqe Tanushi Selmani<\/strong>, t\u00eb pranish\u00ebm n\u00eb k\u00ebt\u00eb akademi. N\u00eb vijim t\u00eb aktivitetit mbi vepr\u00ebn e N\u00ebn\u00ebs Terez\u00eb kan\u00eb referuar me kumtesat e tyre Dom Lush Gjergji, Dom Nik Ukgjini, Pal Canaj, Nikoll Gojani<\/strong> e shum\u00eb t\u00eb tjer\u00eb. M\u00eb mjaft interes u prit edhe fjala e nj\u00ebr\u00ebs prej motrave t\u00eb N\u00ebn\u00ebs Terez\u00eb.<\/p>\n

I ftuar p\u00ebr t\u00eb marr\u00eb fjal\u00eb n\u00eb k\u00ebt\u00eb takim, n\u00eb p\u00ebrsh\u00ebndetjen e shkurt\u00ebr, m\u00eb k\u00ebt\u00eb rast falenderova vet\u00eb N\u00ebn\u00eb Terez\u00eb p\u00ebr mund\u00ebsin\u00eb q\u00eb m\u00eb dha t\u00eb isha pak or\u00eb n\u00eb Dugajev\u00eb p\u00ebr t\u00eb marr\u00eb pik\u00ebrisht pjes\u00eb n\u00eb nj\u00eb takim t\u00eb till\u00eb p\u00ebr N\u00ebn\u00eb Terez\u00ebn. Duke shprehur mir\u00ebnjohjen time p\u00ebr vepr\u00ebn e dom Gjergj Gjergjit<\/strong> p\u00ebr k\u00ebt\u00eb dhurat\u00eb t\u00eb bukur n\u00eb kodr\u00ebn e Dugajev\u00ebs, vler\u00ebsova faktin se ishte e tep\u00ebrt t\u00eb flisja p\u00ebr N\u00ebn\u00eb Terez\u00ebn, kur d\u00ebgjon referencat e jasht\u00ebzakonshme t\u00eb Dom Lush Gjergjit<\/strong>, referenca q\u00eb i kisha d\u00ebgjuar disa vite m\u00eb par\u00eb n\u00eb sall\u00ebn e tejmbushur t\u00eb Pallatit t\u00eb Kultur\u00ebs n\u00eb Mirdit\u00eb.<\/p>\n

Akademia kushtuar N\u00ebn\u00eb Terez\u00ebs vijoi me ndjekjen e nj\u00eb ekspozite me fotografi mbi aktivitetin dhe jet\u00ebn e Saj nd\u00ebr vite, si dhe me nj\u00eb coctail miq\u00ebsor mes besitar\u00ebve t\u00eb famullis\u00eb dhe t\u00eb ftuarve t\u00eb cil\u00ebt padyshim u shpreh\u00ebn mjaft entuziast\u00eb mbi k\u00ebto aktivitete q\u00eb zhvillon Kisha e famullis\u00eb s\u00eb Dugajev\u00ebs, n\u00eb Klin\u00eb.<\/p>\n