{"id":20318,"date":"2026-06-07T20:10:24","date_gmt":"2026-06-07T20:10:24","guid":{"rendered":"https:\/\/pirustinews.com\/?p=20318"},"modified":"2026-06-07T20:13:35","modified_gmt":"2026-06-07T20:13:35","slug":"rikthimi-i-trete-i-nines-ne-rreshen","status":"publish","type":"post","link":"https:\/\/pirustinews.com\/?p=20318","title":{"rendered":"Rikthimi \u201ci tret\u00eb\u201d i Nin\u00ebs n\u00eb Rr\u00ebshen"},"content":{"rendered":"

Nga Aleksand\u00ebr NDOJA<\/strong><\/p>\n

Nj\u00eb lib\u00ebr q\u00eb rikthen nj\u00eb histori t\u00eb paharruar<\/strong><\/h4>\n

Pak dit\u00eb m\u00eb par\u00eb nj\u00eb telefonat\u00eb m\u00eb njoftoi se n\u00eb \u201cgjurm\u00ebn\u201d ku z\u00eb fill k\u00ebrkimi ndaj meje aty n\u00eb qytetin e Rr\u00ebshenit, n\u00eb emrin tim kishte mb\u00ebrritur nj\u00eb lib\u00ebr, p\u00ebr t\u00eb cilin fillimisht k\u00ebrkova t\u00eb m\u00eb d\u00ebrgonin kopertin\u00ebn, nd\u00ebrsa dy dit\u00eb m\u00eb von\u00eb mb\u00ebrriti i plot\u00eb.
\nIshte p\u00ebr Nina Pumo (Nagavica)<\/strong>, studentja dikur e Universitetit Plehanov t\u00eb Mosk\u00ebs, ku n\u00eb nj\u00eb mbr\u00ebmje vall\u00ebzimi afrohet m\u00eb shum\u00eb me studentin shqiptar t\u00eb po atij universiteti, Muntaz Pumo<\/strong>, i d\u00ebrguar nga shteti shqiptar p\u00ebr t\u00eb studiuar. Ishte ajo mbr\u00ebmje q\u00eb lidhi nj\u00eb bes\u00eb mes dy t\u00eb rinjve t\u00eb komb\u00ebsive t\u00eb ndryshme. Bes\u00eb q\u00eb nuk u thye p\u00ebrmes nj\u00eb kalvari t\u00eb paimagjinuesh\u00ebm me pik\u00ebnisje vitin 1958, pra m\u00eb shum\u00eb se 68 vite m\u00eb par\u00eb.<\/strong><\/p>\n

E nd\u00ebrsa mbi historit\u00eb e grave ruse \u00ebsht\u00eb folur jo pak n\u00eb dokumentar\u00eb t\u00eb ndrysh\u00ebm, historia e profesoresh\u00ebs s\u00eb Universitetit t\u00eb Tiran\u00ebs Nina Pumo<\/strong>, e bashk\u00ebshortit, por edhe e dy djemve t\u00eb tyre, Ilirit<\/strong> dhe Mish\u00ebs (Mihalit)<\/strong>, jan\u00eb padyshim t\u00eb denja p\u00ebr ndonj\u00eb subjekt filmi t\u00eb koh\u00ebs s\u00eb revolucionit proletar nd\u00ebr vendet e lindjes, e sidomos t\u00eb koh\u00ebs nd\u00ebr m\u00eb kriminalet t\u00eb \u201cDolores\u00ebve\u201d shqiptar\u00eb q\u00eb shpirtin ia kishin shitur djallit, duke tejkaluar vendin q\u00eb e kishte ngjizur k\u00ebt\u00eb far\u00eb t\u00eb keqe q\u00eb sundoi nj\u00eb pjes\u00eb t\u00eb bot\u00ebs p\u00ebr gati 50 vite.<\/p>\n

Libri \u201cNINA \u2013 NJ\u00cb JET\u00cb\u201d<\/strong><\/p>\n

Nj\u00eb bindje e till\u00eb p\u00ebrforcohet edhe m\u00eb shum\u00eb kur merr n\u00eb dor\u00eb dhe shfleton librin e titulluar \u201cNINA \u2013 NJ\u00cb JET\u00cb\u201d<\/strong>, kronik\u00eb e letrarizuar, homazh p\u00ebr Nina Nagavica Pumo<\/strong>, pedagoge e Universitetit t\u00eb Tiran\u00ebs.<\/p>\n

Autori Pal Re\u00e7i<\/strong>, student dikur i Filologjikut n\u00eb deg\u00ebn e gjuh\u00ebs ruse, nuk rreket t\u00eb b\u00ebj\u00eb nj\u00eb monografi p\u00ebr nj\u00eb individ, sado me histori q\u00eb t\u00eb jet\u00eb, thjesht sepse ka d\u00ebgjuar p\u00ebr t\u00eb apo e ka njohur t\u00ebrthorazi. Jo. Autori Pal Re\u00e7i<\/strong> e ka njohur personalisht, ka m\u00ebsuar gjuh\u00ebn praktike ruse prej saj, ka shk\u00ebmbyer biseda q\u00eb studenti i saj do t\u2019i kuptonte m\u00eb von\u00eb, madje shum\u00eb m\u00eb von\u00eb, kur, si\u00e7 e citon dhe vet\u00eb, e pa veten jasht\u00eb rreshtit prej koh\u00ebs.<\/strong><\/p>\n

Ndon\u00ebse tenton ta anashkaloj\u00eb me elokuenc\u00eb, ndoshta t\u00eb tepruar, asaj kohe th\u00ebn\u00eb shqeto, q\u00eb nuk kurseu jo vet\u00ebm rusen e bukur Nina<\/strong>, por edhe shqiptar\u00ebt e vet, nd\u00ebr ta dhe babain e autorit, t\u00eb mir\u00ebnjohurin Ded Pal Re\u00e7i<\/strong>, i cili, edhe pse me kontribute n\u00eb pun\u00eb e shoq\u00ebri, u degdis p\u00ebr vite me radh\u00eb n\u00eb rrath\u00ebt e ferrit politik.<\/strong><\/p>\n

Pyetja p\u00ebr gjarp\u00ebrinjt\u00eb<\/strong><\/h4>\n

\u201cA ka gjarp\u00ebrinj n\u00eb Rr\u00ebshen?\u201d, e pyeti nj\u00eb moment profesoresha ruse studentin e saj mirditas, i cili mbeti i habitur.<\/p>\n

\u201cPo, po a ka gjarp\u00ebrinj n\u00eb Rr\u00ebshen?\u201d<\/strong><\/p>\n

Kjo sepse bashk\u00ebshorti i saj, Muntazi<\/strong>, kishte mb\u00ebrritur me pun\u00eb n\u00eb Nd\u00ebrmarrjen Tregtare t\u00eb k\u00ebtij qyteti dhe z\u00ebrat ishin se pedagogia e Universitetit t\u00eb Tiran\u00ebs do t\u00eb mb\u00ebrrinte si m\u00ebsuese e gjuh\u00ebs ruse n\u00eb shkollat e Mirdit\u00ebs.<\/p>\n

Ndoshta kjo ishte \u201cardhja e par\u00eb\u201d, e parealizuar fizikisht, sepse n\u00eb m\u00ebngjesin e hersh\u00ebm t\u00eb dat\u00ebs 17 tetor 1975 ajo do t\u00eb arrestohej p\u00ebr t\u00eb provuar birucat e tmerrit t\u00eb burgut t\u00eb Tiran\u00ebs.<\/p>\n

E ardhja e dyt\u00eb do t\u00eb ishte nj\u00ebmb\u00ebdhjet\u00eb vite e pak m\u00eb shum\u00eb m\u00eb von\u00eb, p\u00ebr t\u2019iu bashkuar familjes, ndon\u00ebse p\u00ebr pak koh\u00eb, sepse p\u00ebrfundoi n\u00eb Mosk\u00eb. Nd\u00ebrsa ardhja e tret\u00eb \u00ebsht\u00eb pik\u00ebrisht tani, p\u00ebrmes k\u00ebtij botimi t\u00eb studentit e m\u00eb von\u00eb m\u00ebsuesit e drejtuesit n\u00eb arsimin mirditas, Pal Re\u00e7i<\/strong>.<\/p>\n

Nga dor\u00ebshkrimi te libri<\/strong><\/p>\n

Autori Pal Re\u00e7i<\/strong> thot\u00eb se historin\u00eb e profesoresh\u00ebs Nina Pumo<\/strong> e kishte n\u00eb nj\u00eb dor\u00ebshkrim jo shum\u00eb faqesh, shkruar e n\u00ebnshkruar n\u00eb vitin 1992.
\n\u201cE kisha shkruar me iden\u00eb se do ta botoja n\u00eb ndonj\u00eb t\u00eb p\u00ebrditshme t\u00eb koh\u00ebs, por mbeti n\u00eb dor\u00ebshkrim.<\/strong> Pasi pash\u00eb dikur nj\u00eb intervist\u00eb t\u00eb djalit t\u00eb saj, rr\u00ebmova n\u00ebp\u00ebr sirtar\u00eb p\u00ebr ta b\u00ebr\u00eb m\u00eb t\u00eb zgjeruar, duke e letrarizuar, dhe sot vjen p\u00ebr lexuesin n\u00eb nj\u00eb lib\u00ebr prej 185 faqesh.\u201d<\/strong><\/p>\n

Nj\u00eb rr\u00ebfim q\u00eb lexohet me nj\u00eb frym\u00eb<\/strong><\/h4>\n

Libri, n\u00eb fakt, lexohet me nj\u00eb frym\u00eb. Ngjarjet jan\u00eb nd\u00ebrlidhur mjesht\u00ebrisht n\u00ebn recens\u00ebn e mjeshtrit t\u00eb fjal\u00ebs e vargut Viktor Gjikolaj<\/strong>.
\nAutori Re\u00e7i<\/strong> p\u00ebrcjell me detaje se si kishte marr\u00eb vesh arrestimin e profesoresh\u00ebs. Ia kishte th\u00ebn\u00eb ve\u00e7mas nj\u00eb ish-bashk\u00ebstudente e tij dhe ish-nx\u00ebn\u00ebse e Nin\u00ebs<\/strong>.
\nKoh\u00ebt kalonin me zbor e n\u00eb ferm\u00eb dhe i shpalluri armik familjarisht, autori i librit, nuk mund t\u00eb takonte familjen e profesoresh\u00ebs, e cila gjendej e burgosur fushave t\u00eb Dumres\u00eb, me stacion kampin e Kosov\u00ebs.<\/p>\n

Pas burgut<\/strong><\/h3>\n

Dhe vjen nj\u00eb dit\u00eb kur Nin\u00ebn<\/strong> e lirojn\u00eb.
\nAutori p\u00ebrcjell xhiron e pasdites s\u00eb familjes s\u00eb bashkuar rrug\u00ebve periferike t\u00eb qytetit, deri edhe n\u00eb Kolsh, ku rast\u00ebsisht ishin vreshta rrushi, por rojet nuk dukeshin.<\/strong> Ata nuk mund t\u00eb preknin asgj\u00eb, ve\u00e7 ajrit t\u00eb past\u00ebr p\u00ebr t\u00eb cilin dilnin periferis\u00eb.<\/p>\n

Autori, n\u00eb m\u00ebnyr\u00ebn e tij t\u00eb letrarizimit t\u00eb atyre pak faqeve t\u00eb shkruara me dor\u00eb n\u00eb flet\u00eb t\u00eb bardha, p\u00ebrcjell nj\u00eb atmosfer\u00eb t\u00eb plot\u00eb t\u00eb situat\u00ebs s\u00eb Rr\u00ebshenit t\u00eb asaj kohe, kur poeti Gjok Beci<\/strong> ka marr\u00eb lopat\u00ebn, kur familja e Mihal Dodbib\u00ebs<\/strong> parakalonte me mistri n\u00eb brez dhe me rroba pun\u00ebtor\u00ebsh, kur Musineja<\/strong>, q\u00eb ndante \u201crezidenc\u00ebn\u201d n\u00eb t\u00eb sh\u00ebmbur e plot lag\u00ebshtir\u00eb me Muzen<\/strong>, Dyshen<\/strong> apo Agim Harunin<\/strong>, ishte pjes\u00eb e asaj kohe.<\/p>\n

Koh\u00eb e ngjarje pafund, ku dhe Gjergjin<\/strong> me vajz\u00ebn e armikut i nis\u00ebn p\u00ebr n\u00eb Kurbnesh, p\u00ebr t\u2019i liruar banes\u00ebn ndonj\u00eb udh\u00ebheq\u00ebsi etj., etj.<\/p>\n

Pasaporta e nj\u00eb kohe t\u00eb err\u00ebt<\/strong><\/h4>\n

N\u00eb fund, un\u00eb, autori i k\u00ebtyre radh\u00ebve, them se kemi nj\u00eb pasaport\u00eb jo vet\u00ebm t\u00eb Nin\u00ebs<\/strong>, ndon\u00ebse ajo ishte kryefjala, por t\u00eb krejt nj\u00eb kohe t\u00eb gatuar keq e m\u00eb keq, deri edhe n\u00eb momentet e fundit kur bota q\u00eb e prodhoi ja kishte hequr rrath\u00ebt.<\/strong><\/p>\n

Pik\u00ebrisht n\u00eb k\u00ebt\u00eb koh\u00eb pjesa e mbetur e familjes internohet n\u00eb P\u00ebrlat n\u00eb nj\u00eb m\u00ebngjes me shi, n\u00ebn v\u00ebshtrimin e friksh\u00ebm t\u00eb komshinjve<\/strong> q\u00eb, p\u00ebr t\u00eb mos i b\u00ebr\u00eb edhe m\u00eb keq vetes, nuk dol\u00ebn t\u2019u jepnin nj\u00eb dor\u00eb \u201cpla\u00e7kave t\u00eb armikut\u201d<\/strong> q\u00eb ngarkoheshin n\u00eb nj\u00eb kamion.
\nE nd\u00ebrsa autori nj\u00eb dit\u00eb rend p\u00ebr t\u2019i gjetur atje n\u00eb P\u00ebrlat, dera ishte mbyllur. Nj\u00eb i ri i trembur i thot\u00eb se Muntazi<\/strong> me Mihalin<\/strong> ik\u00ebn n\u00eb Rusi.
\nN\u00eb fakt, ata ishin n\u00eb zyrat e ambasad\u00ebs \u00e7eke q\u00eb mbulonte edhe Rusin\u00eb dhe, si n\u00ebp\u00ebr film, d\u00ebgjonin z\u00ebrin e ambasadorit:
\n\u201cSa shum\u00eb ju kemi k\u00ebrkuar dhe kemi b\u00ebr\u00eb \u00e7far\u00eb \u00ebsht\u00eb e mundur t\u2019ju largojm\u00eb prej k\u00ebtij ferri<\/strong>…\u201d<\/p>\n

Me shum\u00eb p\u00ebr k\u00ebt\u00eb familje, nj\u00eb interviste disa vite m\u00eb par\u00eb me Mihalin:<\/strong><\/p>\n

Nj\u00eb rr\u00ebfim i pa zakont\u00eb nga Mihal Pumo, p\u00ebr jet\u00ebn e tij n\u00eb Mirdit\u00eb. Si u arrestua n\u00ebna e tij profesoresh\u00eb e Universitetit t\u00eb Tiran\u00ebs..<\/a><\/p><\/blockquote>\n