Tashmë është e ditur se Banka e Shqipërisë ka filluar në mënyrë permanente nxjerrjen në qarkullim të prerjeve të reja 200 dhe 5000 mijë lekëshe. Sidomos prerja 200 lekëshe ka qënë kthyer një problem i madh për përdoruesit, pasi për shkak të vitit të hershëm të prodhimit, por ndoshta dhe cilësisë së dobët është dëmtuar në ekstrem sa mes bisneseve dhe klientëve kishte krijuar problem. Ndërsa prerja 5000 mijë lekëshe realisht është e vonë dhe sot e kësaj dite është cilësore, popr numri i saj është mjaft i reduktuar.
Ndërsa Banka e Shqipërisë ka filluar hedhjen në qarkullim të tyre, përmes guvernatorit Gent Sejko, ka njoftuar se seria e re e kartëmonedhave shqiptare (prerjet e tjera do të hidhen në treg në mënyrë graduale), është e pajisur me elemente të reja dhe më të sofistikuara sigurie. Ka një sërë tiparesh identifikuese të elementëve të sigurisë, që mund të konstatohen lehtësisht me një kontroll rutionor individual. Ky kontroll bazohet në verifikimin e elementeve të sigurisë sipas metodës “PREK, SHIKO, LËVIZ”.
Përmasat:
138 mm x 69 mm ngjyra kafe, hedhur në qarkullim 30.09.2019.
Pamja e përparme: Portreti i Naim Frashërit dhe në sfond një libër i hapur. Tekstet: “BANKA E SHQIPËRISË”, “DYQIND LEKË”, “NAIM FRASHËRI 1846-1900”
Pamja e prapme: Shtëpia e lindjes së Naim Frashërit, një fletë ku janë shkruar vargjet e tij “Ti Shqipëri më jep nder, më jep emrin Shqipëtar”, pena e tij dhe nënshkrimet e drejtuesve.
Tre elementet e sigurisë, 200 lekë
PREKE:
Preke dhe ndieje kartëmonedhën me gishta. Kjo kartëmonedhë është prodhuar prej materiali polimer, një përbërje plastike, që të jep një ndjesi të veçantë në prekje. Shtypi i ngritur: Ndieje shtypin e ngritur te numrat, shkronjat, portreti, si dhe vijat e shkurtra përgjatë skajit të majtë dhe të djathtë të kartëmonedhës, që përbëjnë dhe elementin e njohjes së kartëmonedhës nga të verbrit.
SHIKOJE:
Mbaje kartëmonedhën kundrejt dritës dhe shikoje me kujdes. Dritarja: Në një dritare të tejdukshme shfaqet portreti i Naim Frashërit, vlera 200 Lekë dhe kolonada e ndërtesës së Bankës së Shqipërisë.
Elementi i regjistrimit: Një figurë e stilizuar e shqiponjës ndodhet në të dy anët e kartëmonedhës. Të dy figurat duhet të përkojnë ekzaktësisht njëra me tjetrën.
LËVIZE:
Lëvize kartëmonedhën në kënde të ndryshme shikimi, për të parë si ndryshon. Shiriti i shndritshëm në zonën qendrore shfaq të shkruar vlerën 200 Lekë.
Kartëmonedhat, ndonëse vijnë me risi në drejtim të prerjeve, mbajanë të stampuara të njëjtat figura historike. “Seria e re e kartëmonedhës shqiptare gërsheton sigurinë maksimale, pamjen moderne, komunikimin artistik të mesazhit historik dhe rezistencën më të lartë gjatë përdorimit. Ajo është rikonceptuar e plotë me 6 prerje: 200, 500, 1.000, 2.000, 5.000 dhe 10.000 Lekë”,
Ndërkohë, kartëmonedhat e vjetra do të vijojnë të jenë në qarkullim për t’u tërhequr gradualisht nga BSH-ja, kur të jenë të dëmtuara dhe të papërdorshme.
@2017 – Pirusti News. Te gjitha te drejtat te rezervuara.
“Të gjitha të drejtat e këtij materiali jane pjesë ekskluzive e patjetersueshme e “pirustinews.com” sipas ligjit nr.35/2016 “Për të drejtat e autorit” dhe të drejta të tjera të lidhura me to”.
Ndalohet kategorikisht kopjimi apo tjetërsimi etj, pa autorizimin e administratorit të “pirustinews.com”, në të kundërt çdo shkelës do të mbajë përgjegjësi sipas nenit 179 të ligjit 39/2016”.
Lejohet çdo shperndarje ne profile te ndryshme sipas deshires se gjthesejcilit qe e gjykon te arsyeshme.
Administrator
Aleksandër NDOJA