Nga Aleksanër Ndoja.
Prej ditës së nesërme 8 shkurt 2017, kjo rrugë që është në rikonstruksion rrënjësor do të mbajë emrin “Musine Kokalari”, që jetën e saj zgjodhi ta shuante mes mirditasish të urtë e bashkëvujtës.
Nesër në në ora 11.00, në atë vend që ajo e përshkonte çdo ditë, do të mblidhen qindra vetë bashkqytetarë e bashkëvuajtes të saj nga Mirdita, Tirana, Durrësit, Gjirokastra dhe Kosova, dhe do të zbulojmë pllakën me emrin e kësaj martireje.
Si një ndër firmëtarët e kësaj nisme që nderon çdo kënd, ftoj të marrin pjesë në atë takim:
-Të gjithë ata mirditas që për vite me rradhë shkëmbyen vështrime të ngrohta mirësie të ndërsjellta me këtë grua fenomen që përshkonte në mënyrë sfiduese rrugët e qytetit, e deri të Ura e Fanit. Të gjthë këta që miratuan këtë emërtim rruge, qoftë me fjalë apo me heshtje, pasi e dinin dhe e dinë mirë se çfar përfaqëesonte kjo zonjë e paepur.
-Ftoj edhe ata sido të paktë në numër, që pa u menduar aspak e kundërshtuan, ndonjë prej tyre shpërtheu si “pushka e….” se i qënka “hyrë në hak” disa figurave vërtetë rë rëndësishme, apo i qënka ndërruar emri sheshit, pra emri i shenjtë “Abat DOÇI”.
Jo të nderuar kundërshtues, Sheshi “ABAT DOÇI” do të ketë në jetë të jetës ketë emër, që i bën nder çdo mirditasi e çdo shqiptari. Madje ky shesh po rikonstruktohet qytetarisht, pra nuk do jetë më një “rrotondë për makina, e një kunj idiot në mes”.
Sëshpejti në këtë shesh do të vendosen në shtatoret e Preng Bib Dodës, Dom Nikoll Kaçorrit, atë Gjergj Fishtës e Abat Doçit, aq sa mirditasit, pse jo edhe veriu i vendit ta ndalin vrapin në qëndrën e Mirditës, për të mos përfunduar ne Vlorë për festat e “Shpalljes së Pavarësisë” pasi është krejt e ditur se Pavarësia nuk do të kishte kuptim pa këto emra të shquar mirditas.
-Ftoj edhe ata “të 25-tët” që kishin për detyrë të survejonin e ta ndiqnin kudo, të vijnë në shenjë pendese para Zotit, e jo të struken vrimave duke qëlluar nga frëngjitë e errëta të një kohe të zezë, me pushkë të lyera me bojë demokratikase, për të bërë pis me aq sa mundin. Koha e tyre ka kaluar, e Musineja do të marrë respektin e të gjthë atyrë që duhet.
-Ftoj edhe komunistët që nesër të marrin pjese në këtë tubim lirie, mirnjohje, kërkim faleje etj, edhe pse program i tyre nuk ju a lejon. Besoj e dinë e Musineja ishte kushërirë e dytë e komandatit të tyre dhe ky i fundit nuk e kurseu, anipse Ajo burrërisht deklaronte:
“-Nuk kam nevojë që të jem komuniste për ta dashur vendin tim!
Unë e dua vendin tim edhe pse nuk jam komuniste!
Ju po më dënoni mua për idetë e mia!
Unë mendoj ndryshe nga ju, por unë e dua vendin tim!
Unë nuk kërkoj falje, sepse nuk kam bërë asnjë faj!”
@2017 – Pirusti News. Te gjitha te drejtat te rezervuara.
“Të gjitha të drejtat e këtij materiali jane pjesë ekskluzive e patjetersueshme e “pirustinews.com” sipas ligjit nr.35/2016 “Për të drejtat e autorit” dhe të drejta të tjera të lidhura me to”.
Ndalohet kategorikisht kopjimi apo tjetërsimi etj, pa autorizimin e administratorit të “pirustinews.com”, në të kundërt çdo shkelës do të mbajë përgjegjësi sipas nenit 179 të ligjit 39/2016”.
Lejohet çdo shperndarje ne profile te ndryshme sipas deshires se gjthesejcilit qe e gjykon te arsyeshme.
Administrator
Aleksandër NDOJA