Javascript Disabled!

Please Enable Javascript if you disabled it, or use another browser we preferred Google Chrome.
Please Refresh Page After Enable

Powered By UnCopy Plugin.

Edhe po t’a harrojmë ne, Nikoll Kalën, nuk e harron kënga

Nga Pirusti News
586 Shikime

-Nga Vikor Gjikolaj-

I përkas atij brezi,që datëlindjet nuk festoheshin, ose krejt rrallë. Dje paskesh patur datëlindjën, këngëtari i njohur i Ansamblit ‘’Mirdita’’, Nikoll Kalaj. Thjeshtë, sot i përcolla: Shumë urim për ty!

Ka do kohë që kam menduar të shkruaj një profil për këngëtarin dhe po e publikoj.

I lindur në Kthellë të Epërme në vjeshtën e tretë. I ra të provojë herët fatin e jetimit..Krejt i ri u ba punonjës i minierës së bakrit Kurbnesh. U rrit aty mes punëtorërve e kujdesit të kushërnjëve e bashkëfshatëve të tij… Punëtor në gen ,i shoqërisë e fjalës së mbajtur ,shpejt u bë i dalluar mes moshatarëve të tij nëntokas. Po dhe këngën e çitelinë i kishte pasion.

Ushtarë shembullorë e këngëtar i talentuar

Gjatë shërbimit ushtarak në Rashbull të Durrësit, më 1975 Nikolli erdhi ushtar I ri në togën, ku isha edhe unë. Aty kishte ushtarë të talentuar ,këngëtarë, aktorë amator, krijues letrar ,instrumentistë, që vini nga gjithë Shqipëria. Në koncertin e parë të grupit të batalionit këndoi edhe Nikolli, bashkë me Zef Lalën e Kol Bushin. Kënga titullohej: Gishtin në këmbëz e mban ky popull, një tekst i shkruar prej meje në ato kohë. U pëlqye e u vlerësua shumë. Dhe prej andej grupi konkuroi në shkallë garnizoni, ku moi vlerësimet më të larta. Hap pas hapi krijuam edhe këngë të tjera.Trioja e ushtarve u bë e njohur nga shumë institucione. Keshtu , ne u ftuam(unë isha përgjegjës i grupit) në Pallatin ‘’Rinia’’ në një veprimtari kombëtare të Bashkimeve Profesionale te Shqipërisë. Në çdo fund strofe, duartrokitje. Edhe në Pallatin ‘’Aleksandër Moisiu’’, 10 korrik 1975, ishim në programin e rrethit të Durrësit. Kësaj here morëm edhe Ndue Drobin

Me ansamblin e Rashbullit, krah legjendës së rapsodisë shqiptare, Dervish Shaqja

Asokohe Grupi Kosovar i Rashbullit kishte emër në gjithë Shqipërinë. Aty ishte kontributi i veçantë i Dervish Shaqes , por edhe i Demush Nezirit, Nazim Grykës, Merushe Badolli,etj. Ishte një përvojë e shkëlqyer. Konkuruam në shkallë rrethi me ansamblet e kooperativave bujqësore. Krahas grupit Kosovar,këndoi edhe Nikolli me shokët e tij. Patën një sukses të bujshëm. Në atë program isha moderator,recitues e skenarist(tekstet e konferncierëve)

Morëm vlerësimet më të larta nga Juria e Durrësit. Grupi i Ushtarëv Rrashbull mori diplomën; Grupi më i mirë i festivalit. Diplomë mora edhe unë(ma dërgoi Nikolli me postë ,pasi une u lirova në atë fund viti)

Një pikë tjetër kulmore në udhën e këngës ishte pjesëmarrja e tij në përbërje të grupit të Dervish Shaqes në Koncertin në mbyllje të Kongresit të Shtatë të PPSH,1976.

Në minierë e në skenën e Kurbneshit

Pas lirimit Nikolli sërish fillon në minierë. Kurbneshi kishte një lëvizje amatore të dalluar,por edhe djem e vajza të talentuar. Nikolli ishte shtylla e grupit vokal. Shkruajta një këngë për minatorët e këngëtari e ngriti vlerën e saj (mbaj mend që u rregjistrua në radio Tirana) ishin një tufëz me këngë që u shkruan e u kënduan aso kohe, sidomos në vitin 1978. Në atë kohë krijonin në Kurbnesh dy muzikantë të talentuar, Servet Cara e Mark Gjoka. Bashkëpinimi qe i frytshëm. Grupi folkloric i Kooperativës mori flamurin e festivalit krahinor dhe u dekorua me urdherin:’’Naim Frashëri’’.

Nga nëntë veta qe kishte grupi i burrave, 1/3 ishin nga Kurbneshi .Nikoll Kala, Servet Cara,Mark Gjoka. Solistë nga kjo zonë ishte Lindita Vladi dhe lahutari Simon Beleshi. Dihet emwri i mirë dhe fama , sidomos e Grupit të Burrave. Nikolli ishte në të gjitha koncetet qeveritare pjesëmarrës dinjitoz. Në të vetmin turrne jashtë Shqipërisë në Mal të Zi,1979, ishte edhe njeriu qe nxirte thesare nga nëntoka e në skena nga krahanori i tij dilte floriri i shpirtit.

Epilog

Dhe vjen një ditë në jetën e njeriut,që për shumë arsye të ndërpresësh veprimtaritë kulturore,ta lësh skenën.Kështu ndodhi edhe me Nikoll Kalën. Për arsye shëndetësore e ndërpret këndimin, por zemrën e ka plot me këngë e kujtime me miqtë e tij artistë e minatorë.

Tani takohemi rrallë ,por me mall e respekt për shoshojnë ,për jetën artistike e shoqërore.

Se edhe po t’a ‘’harrojmë’’ Ne, Nikoll Kalën nuk e harron kënga, që ai e këndoj me gjithë zemër…

Ju mund të lexoni edhe...

Pin It on Pinterest