-Lindita Kokaj-
Në Shkollën e Mesme Profesionale “Shën Jozefi Punëtor” në Rrëshen është bërë tashmë traditë, që me datë 27 shtator të organizohet ceremonia zyrtare e nisjes së vitit të ri shkollor. Në këtë aktivitet moren pjesë drejtues dhe përfaqësues të arsimit, zyrave të punës, pushtetit vendor etj.
Drejtori i Shkollës P. Michele Leovino theksoi se kjo shkollë është vendi ku hidhen hapat më të rëndësishëm për t’u rritur profesionalisht dhe për t’u integruar në tregun e punës. Leovino u ka uruar nxënësve dhe stafit pedagogjik suksese dhe një vit të mbarë shkollor.
Presidenti i Shkollës Mons. Gjergj Meta vuri theksin se shkollla jonë ofron cilësi dhe është nje shkollë, e cila ofron standarte europiane. Hasan Muça drejtor i DRAP ftoi nxënësit e “Shën Jozefit” që t’i japin jetë vlerës profesionale që marrin këtu. Muça vlerësoi përkushtimin e institucionit tonë për t’i dhënë jetë dhe shpresë këtyre të rinjve.
Ndërkohë kryetari i Bashkisë Mirditë Albert Mëlyshi u apeloi të rinjve që të arrijnë synimet dhe të realizojnë ëndrrat dhe dëshirat e tyre. Të jepni dhe merrni dije, si e vetmja rrugë drejt suksesit. Ilda Banaj nga Agjensia Kombëtare e Punësimit dhe Aftësive theksoi se jemi bashkë në zbatimin e një hapi të përbashkët. Ndërsa iu drejtua nxënësve me mesazhin e Sami Frashërit: “Nëse do të mbillni përgjithmonë atëherë duhet arsimi dhe edukimi”.
Lina Guri Drejtore e DRP Lezhë vlerësoi se arsimi profesional është jo vetëm një punësim i sigurtë por edhe për sukseset nesër. Ajo vuri theksin tek bashkepunimi ndërinstitucional.
Graziano Manica President i Opera “Armida Barelli” në Rovereto të Italisë ftoi të rinjtë që të studiojnë sa më shumë. ” Mbi të gjitha të jeni të aftë të hapni zemren tuaj ndaj të tjerëve” theksoi Manica.
Bardh Dedgjonaj drejtor i Shkollës së Mesme Profesionale “Kolin Gjoka” tha se bashkēpunimi mes 2 shkollave ka qënë dhe do të jetë i vazhdueshëm. Një shkollë profesionale cilësore që i shërben komunitetit, rajonit, Shqipërisë.
Gjithashtu përshëndeti Dorinela Reci Drejtoreshë e Shkollës 9- vjecare “Nënë Tereza”, duke uruar për një vit të mbarë shkollor theksoi se: “Mendoj që kjo shkollë e ka marrë vulen e suksesit, falë punës së palodhur të drejtuesve dhe stafit pedagogjik”. Suksese dhe një vit të mbarë shkollor është ky urimi që u përcoll për mē shumë se 400 nxënës të “Shën Jozefit“. Të edukojmë me dashuri të rinjtë drejt së ardhmes!
@2017 – Pirusti News. Te gjitha te drejtat te rezervuara.
“Të gjitha të drejtat e këtij materiali jane pjesë ekskluzive e patjetersueshme e “pirustinews.com” sipas ligjit nr.35/2016 “Për të drejtat e autorit” dhe të drejta të tjera të lidhura me to”.
Ndalohet kategorikisht kopjimi apo tjetërsimi etj, pa autorizimin e administratorit të “pirustinews.com”, në të kundërt çdo shkelës do të mbajë përgjegjësi sipas nenit 179 të ligjit 39/2016”.
Lejohet çdo shperndarje ne profile te ndryshme sipas deshires se gjthesejcilit qe e gjykon te arsyeshme.
Administrator
Aleksandër NDOJA