Fotografuar nga albanologu austriak Maximilian Lambertz në vitin 1916.
Kompleksi i fortifikuar i vendosur në pjesën e sipërme të Grykë-Oroshit, ka qënë i kompozuar në disa struktura dhe shtrihej në një sipërfaqe të konsiderueshme. Në një nga godinat e kompleksit, në vitin 1928 u vendos “Konvikti Mirdita” i Oroshit.
Prof. Zef Nekaj nga Domgjoni i Mirditës, në artikullin “Konvikti Mirdita në Orosh”, botuar në “Shejzat”, Nr. 9-10, 1962, ndër të tjera shkruan: “…Meqë shkolla e Abacis ishte djeg, me pëlqimin e famullitarit Dom Prend Suli u vendue që qela e Abacis s’Oroshit, të përdorej si konvikt deri sa kapidani i Mirditës, të rindërtonte për këtë qëllim sarajet e Lleshit të Zi, edhe ato të djeguna për herë të katërt në vjetin 1921….
Në vjetin 1928, konvikti u vendos në sarajet e rindërtuara pjesërisht. Muret e tij (sarajeve) kanë qënë prej graniti të bardhë, latue me daltë e çekiç. Kështu, që sado që turqit e kanë pas djegë tre here, e qeveria për të katërtën, përsëri rindërtimi (restaurimi) nuk duhet të ketë qënë aq i vështirë… nuk kanë qënë kulla të tipit thjesht kullë, por ndërtesa guri me dritare, dyer, kthina e dhoma të mdhaja qi s’u a kishin lakmi, as ndërtesave ma të mira të qyteteve tona…
pergatiti: Julian VLASHI
@2017 – Pirusti News. Te gjitha te drejtat te rezervuara.
“Të gjitha të drejtat e këtij materiali jane pjesë ekskluzive e patjetersueshme e “pirustinews.com” sipas ligjit nr.35/2016 “Për të drejtat e autorit” dhe të drejta të tjera të lidhura me to”.
Ndalohet kategorikisht kopjimi apo tjetërsimi etj, pa autorizimin e administratorit të “pirustinews.com”, në të kundërt çdo shkelës do të mbajë përgjegjësi sipas nenit 179 të ligjit 39/2016”.
Lejohet çdo shperndarje ne profile te ndryshme sipas deshires se gjthesejcilit qe e gjykon te arsyeshme.
Administrator
Aleksandër NDOJA