– A është kjo gruaja rumene që arrestoj mbi 80 ish ministra, zv/ministra, parlamentarë e zyrtarë të tjerë të lartë hajdut e kriminel, që shfrytzuan pushtetin për të vjedhur popullin e pasuritë kombetare të Rumanisë, mbas rënies së Nikolae Çausheskut..!!?
Është e spiegueshme kundërvënia që i ban klani i ish-pushtetarëve dhe ai i një pjese të mirë të pushtetarëve e zyrtarëve aktualë, me të gjitha veglat që kanë në dispozicion. Shqipëria është më e kapur nga krimi se edhe Rumania, veçse disa herë më e vogël si teritor dhe si popullsi. Kjo zonjë që u shpall heroinë, për suksesin e arritur në luftën kundër kriminelëve të veshur me pushtet e pushtetarve hajdutë të vendit të saj, nuk duhet të shkelë në pronat pashallarve kriminelë e hajdut të pa ngopur shqiptarë, se mund të ofroj eksperiencën e saj, gjë që rrezikon lulëzimin e mëtejshëm të veprimtarisë kriminale e vjedhjeve nga këta carahoshë, që për pak sa nuk deklaruan paprekshmërinë e tyre.
Rumunët me të cilët ne emigrantët punojmë, krenohen me emrin e saj, duke e konsideruar shpëtimtare të kombit të tyre. I pa spiegueshëm është prononcimi kundër ardhjes së saj në vendin tonë, nga disa intelektual të cilët vetëm përse kanë fshirë me gishtin e shëllinës ndonjë pjatë të mbetur nga gostitë e ish shefave të tyre të djeshëm e të sotëm, janë shëndruar në togë bersalierësh në mbrojtje të kupolës së krimit të ish pushtetarëve e zyrtarëve të lartë të çdo ngjyre. Kësaj nuk dihet çfar emri ti vemë, përveçse në se do ti quanim rriçna të demokracisë dhe përparimit mbarshoqror të vendit.
Për mendimin tim arkitektët e kësaj gjëndje të mjerueshme për popullin e vendin tonë, nuk do të kenë mundësi ti shmangen shënjestrës së drejtësisë, të menagjuar e mbështetur nga humanizmi dhe vullneti i mirë i mikut historik të Shqipërisë, që është Amerika e Willsonit, Bejkerit dhe të pa krahasueshmit e të paharrueshmit për jetë, nga cilido që e ndjenë vehten krenar përse është shqiptar, “sorosianit” Bill Clinton. Ndërsa atyre leshterikëve, që në kor bretkosash ju mbajnë zjarrin ndezur me flet kashtë krimineleve hajdut, mendoj se mjafton të ju thuhet:
–Pushoni rriçna !
@2017 – Pirusti News. Te gjitha te drejtat te rezervuara.
“Të gjitha të drejtat e këtij materiali jane pjesë ekskluzive e patjetersueshme e “pirustinews.com” sipas ligjit nr.35/2016 “Për të drejtat e autorit” dhe të drejta të tjera të lidhura me to”.
Ndalohet kategorikisht kopjimi apo tjetërsimi etj, pa autorizimin e administratorit të “pirustinews.com”, në të kundërt çdo shkelës do të mbajë përgjegjësi sipas nenit 179 të ligjit 39/2016”.
Lejohet çdo shperndarje ne profile te ndryshme sipas deshires se gjthesejcilit qe e gjykon te arsyeshme.
Administrator
Aleksandër NDOJA