Teksa shfletoja rrjetin mediatik të ditës së sotme, shkarazi lexova se si i “dërguari i djallit” i cili pikërisht në kuadër të vitit të Gjergj Kastriotit – Skënderbeut, nxjerr zbulimin e madh sipas të cilit, Skënderbeu ishte terrorist dhe po të ishte i gjallë sot, do të ishte vrarë me dron. Natyrisht këto hijena që realitetin e shikojnë vetëm me syza “ekstreme-osmane”,aspak me syzet e moderuara të besimit të përndritur e qytetar islam, nuk kanë parasysh se diku, në Kalabri janë gjallë dhe më gjallë se kurrë “bashkohësit” e Gjergjit të cilët kanë ditur të ruajnë brez pas brezi kujtimet, traditën, ndjesitë, të vërtetën dhe çdo gjë që lidhet me atë kohë e cila na bën krenarë sëpaku ne shqiptarëve, por edhe gjithë Europën.
Janë pra vitet e Gjergjit që patën një fillim dhe një fund, e fundi spostoi historinë dhe të vërtetën në një vend të bekuar për shqiptarët, në Italin fqinje që kurrë nuk bëri presionin më të vogël për asimilimin e gjakut, traditave dhe zakoneve të të mbërriturve aty, nga sulmet e hordhive anti-njerëzore që mbushën këto anë, pas vdekjes së Gjergj Kastriot Skënderbeut.
Këtë fakt e sjell KultPlus.com, faqe e cila na sjell një pasazh të shkurtër nga dasmat e ditëve të sotme Kalabri, ku spikat fakti se ata janë dhe mbeten përçuesit më të denjë të kohës së artë për shqiptarët.
Duke vijuar më tej, KultPlus.com thekson se Arbëreshët e Italisë konsiderohen si komuniteti i huaj më i fuqishëm në këtë vend, që ruan me përpikmëri kulturën e Arbërit, por edhe si përfaqësimi më i mirë i popullit shqiptar, të cilët me performancë të ndryshme, me kostume e me karakteristika të tjera prezantojnë kulturën shqiptare.
Së fundi, po përmes performancës së tyre, ata kanë demostruar martesën e Skënderbeut me Donikën, performancë kjo që është realizuar në një nga sheshet e Italisë, në fund të muajit shkurt të këtij viti.
Poashtu, në këtë ceremoni dëgjohet edhe thirrja e njohur e komunitetit arbëresh “Rroftë Skënderbeu, rroftë, rroftë, rroftë”! Për më shumë ndiqeni videon e bashkëngjitur, përfundon KultPlus.com.
a.ndoja
@2017 – Pirusti News. Te gjitha te drejtat te rezervuara.
“Të gjitha të drejtat e këtij materiali jane pjesë ekskluzive e patjetersueshme e “pirustinews.com” sipas ligjit nr.35/2016 “Për të drejtat e autorit” dhe të drejta të tjera të lidhura me to”.
Ndalohet kategorikisht kopjimi apo tjetërsimi etj, pa autorizimin e administratorit të “pirustinews.com”, në të kundërt çdo shkelës do të mbajë përgjegjësi sipas nenit 179 të ligjit 39/2016”.
Lejohet çdo shperndarje ne profile te ndryshme sipas deshires se gjthesejcilit qe e gjykon te arsyeshme.
Administrator
Aleksandër NDOJA