Era e fortë tej çdo limiti krahasuar me vitet e fundit ka sjellë probleme të mëdha në akset rrugore të qarkut Lezhë. Kështu pasagjerët e një autobuzi që ishte nisuar nga Tirana për në Rrëshen, janë traumatizuar në afërsi të Milotit, kur era e forta ka përlarë pasqyrën e madhe të autobuzit dhe pasi është përplasur fuqishëm në anësoret e autobuzit, ka përfunduar në xhade.
Duke mos kuptuar asgjë se çfar kishte ndodhur, autobuzi ka ndaluar për të parë se çfar kishte ndodhur, pasi u krijua zhurmë e madhe. Janë dashur disa minuta për të kuptuar se era e fortë kishte viktimizuar vetëm pasqyrën.
Ndërkohë në segmentin Milot – Lezhë lëvizja e makinave është vështirësuar jashtëzakonisht prej presionit të erës. Automjetet gati, gati devijonin drejtim nga lëvizjet e detyruara nga presioni atmosferik. Ndërsa një kamion me targa të Maqedonisë nuk i ka rezistuar erës së fortë, dhe është përmbysur në anë të rrugës në afërsi të kryqëzimit të Tales, në rrugën Milot – Lezhë. Fatmirësisht nuk ka dëmtime në njerëz, ndërsa ka mbërritur shumë shpejt emergjenca e cila ka mundësuar lëvizjen e automjeteve të tjera.
A.N
@2017 – Pirusti News. Te gjitha te drejtat te rezervuara.
“Të gjitha të drejtat e këtij materiali jane pjesë ekskluzive e patjetersueshme e “pirustinews.com” sipas ligjit nr.35/2016 “Për të drejtat e autorit” dhe të drejta të tjera të lidhura me to”.
Ndalohet kategorikisht kopjimi apo tjetërsimi etj, pa autorizimin e administratorit të “pirustinews.com”, në të kundërt çdo shkelës do të mbajë përgjegjësi sipas nenit 179 të ligjit 39/2016”.
Lejohet çdo shperndarje ne profile te ndryshme sipas deshires se gjthesejcilit qe e gjykon te arsyeshme.
Administrator
Aleksandër NDOJA