Edhe pse sot gjatë ditës së shtunë moti ka qënë më i qetë, pra nuk ka pasur reshje shiu e as dëbore, shpati i malit ku ka qenë vendosur fshati Blinisht, në Njësinë Administrative të Oroshit në Mirditë, vijon udhëtimin e pa ndërprerë në drejtim të trasesë së rrugës së kombit, dhe më tej drejt shtratit të lumit Fanë i cili është i tejmbushur me ujë.
Mali tashmë pasi ka shuar përfundimisht njërën anë të NBT-Oil, sapo ka “prekur” vijat e bardha të trasesë së rrugës. Ndersa nuk ka asnje siguri, madje jane dhene shenja se mali mund te rreshqase edhe disa dhjetra metra me poshte pjeses qe tashme ka rreshqitur totalisht.
Në këto kushte sektori i emegjencava, policia e shtetit, firma që merret me menaxhimin teknik të autostradës dhe sektorë të emergjencave të Bashkisë Mirditë, janë në vendin e ngjarjes. Ka filluar puna intensive për çmontimin e trafikndarësve, për të mos krijuar situate edhe më të rënda. Nderkohë që në distancë më të largët me pikën e “vlimit” po hiqesn trafikndarëse për të mundësuar levizjen e mjeteve vetëm në njërin krah.
Policia rrugore dhe ajo e rendit e Mirditës, me përforcime të tjera po monitorojnë levizjen e mjeteve të shumta të autostradës, por kërkohet që drejtuesit e mjeteve të jenë shumë të kujdesshme gjatë udhëtimit në segmentin tashme problematik të kësaj rruge.
A. Ndoja
@2017 – Pirusti News. Te gjitha te drejtat te rezervuara.
“Të gjitha të drejtat e këtij materiali jane pjesë ekskluzive e patjetersueshme e “pirustinews.com” sipas ligjit nr.35/2016 “Për të drejtat e autorit” dhe të drejta të tjera të lidhura me to”.
Ndalohet kategorikisht kopjimi apo tjetërsimi etj, pa autorizimin e administratorit të “pirustinews.com”, në të kundërt çdo shkelës do të mbajë përgjegjësi sipas nenit 179 të ligjit 39/2016”.
Lejohet çdo shperndarje ne profile te ndryshme sipas deshires se gjthesejcilit qe e gjykon te arsyeshme.
Administrator
Aleksandër NDOJA