“Let girls learn” është një klub artistësh të rinj gjimnazistësh që udhëhiqen nga mësuesja pasionante Valbona Reçi. Janë të shumta aktivitetet që ata përcjellin, ndërsa aktiviteti më i fundit u zhvillua ditën e sotme. Aktiviteti u startoi në Qëndrën Kulturore të Mirditës Rrëshen, me pjesmarrjen masive të nxënësve, mësuesve, qytetarëve të zakonshëm dhe drejtuesit e arsimit dhe të bashkisë Mirditë.
Aktiviteti i cili u moderua nga nxënësja Kiara Beleshi pati në fokus realitetin në të cilin gjënden shoqëria jonë, përfshirë familjen dhe shkollën. Tema e ditës së sotme kishte në fokus Barazinë Gjinore, aktivitet i cili përcolli mesazhe të forta tek të gjithë të pranishmit. Puna plot përkushtim e nxënësve, me mbështetjen e mësueses Valbona Reçi u përcoll sot nëpërmjet diskutimeve, ese-ve, videomontazheve. Pikërisht përmes tyre u shpalos një zë i fortë për imazhin femëror, mbrojtjen e këtij imazhi dhe sigurisht një thirrje e fortë për barazi gjinore në shoqërinë tonë. Aktiviteti vuri në dukje një pjesë të hidhur të shoqërisë tonë e cila padyshim duhet ndryshuar. Pjesmarrësit e këtij aktiviteti advokuan fort kundër fenomeneve që cënojnë figurën femërore si diskriminimi, përjashtimi, shfrytëzimi dhe nënvleftësimi i saj.
Nxënësit sollën shumë shëmbuj të grave të suksesshme, të forta dhe të njohura nga të gjithë. Kjo shërben për të treguar forcën e femrës, mesazhin se ata munden. Pjesmarrësit e shumtë vlerësuan se aktiviteti i sotëm ishte mjaft i suksesshëm, çka motivon për aktivitete të tjera në të ardhmen.
Ndërkohë pjesë e aktivitetit të ditës së sotme ishte edhe ekspozita e nxënëses Lorena Nikolli. Ekspozita u shpalos në hollin e pallatit të kulturës ku pjesmarrës të shumtë kanë vizitur stendat që përcjellin talentin e piktores.
Vetë artistja piktore u shpreh se “Mësimet e para gjithmonë i lidhja me natyrën time si një fëmije ëndërrimtar e kreativ, çdo gjë fokusohej mbi lapsin e letrën e bardhë, aty ku krijoja dimensionet e mija dhe shprehja mendimet e mija.
Mbaj mend që gjithmone mbaja një laps ne xhep dhe kudo qe shkoja do hidhja nga një vizatim, qoftë në mure, stola, topat e lojës; të gjithë ishin me figura e personazhe të preferuar.
Shpesh shkoja tek muzeu bashkë me shoqen për te vizatuar gurët e statujat historike, gjë e cila shoqërohej me qetësine e ambientit dhe e gjithë kjo situatë kalonte si një vizion i së kaluarës në mendjen time… “
Ekspozita do të qëndrojë e hapur disa ditë, ndërsa vizitorë të shumtë kanë dhënë vlerësime mjaft pozitive.
Përgatitën: Blerta Kaçorri dhe Erida Kaçorri.
@2017 – Pirusti News. Te gjitha te drejtat te rezervuara.
“Të gjitha të drejtat e këtij materiali jane pjesë ekskluzive e patjetersueshme e “pirustinews.com” sipas ligjit nr.35/2016 “Për të drejtat e autorit” dhe të drejta të tjera të lidhura me to”.
Ndalohet kategorikisht kopjimi apo tjetërsimi etj, pa autorizimin e administratorit të “pirustinews.com”, në të kundërt çdo shkelës do të mbajë përgjegjësi sipas nenit 179 të ligjit 39/2016”.
Lejohet çdo shperndarje ne profile te ndryshme sipas deshires se gjthesejcilit qe e gjykon te arsyeshme.
Administrator
Aleksandër NDOJA