Festa e Shëlbuemit është një festë e rëndësishme për banorët e Rubikut. Thuhet se prej mijëra vjetësh një hyjneshë që u quajt Robiko, e cila që i shpëtoi banorët nga një murtajë e rëndë përkujtohet me madhështi vit pas viti. Çdo pranverë, banorët e kësaj zone festojnë ditën e Shelbuemit. Bëjnë përgatitje të shumta, presin ndonjë ka apo dash dhe dele dhe i nxjerrin njeri-tjetrit verë të kuqe, për të kujtuar hyjneshën Robiko, thuhet në arsyet pse kjo festë festohet me madhështi në zonën e Rubikut.
E në këtë kuadër Qëndra Kulturore “Abat Doçi” në Rubik ka organizuar një koncert festiv me grupe të ndryshme artistike që përgatit kjo qendër kulturore. Gjithashtu në këtë festë natën e sontme kanë marrë pjesë edhe grupe artistike nga Rrësheni. Grupet përgatiten me pasion dhe përkushtim nga Ndue Përlala, Fran Gjergji e Liza Prenga. Në këtë koncert kanë debutuar plot sharm grupi i çiftelive i drejtuar nga maestro Kol Picaku, por dhe muzikanti Pashk Filopati i cili gjithnjë e më shumë po del në pah si një artist i munguar prej vitesh. I ftuar në këtë koncert ka qenë edhe kant-autori Mark Gjoka i cili ka përformuar disa këngë, ndër më e rëndësishmja është kënga kushtuar Rubikut. Në këtë koncert ka përshëndetur edhe motër Adelina i cila me mjaft përkushtim përkujdeset për Qëndren “Abat Doçi” të Rubikut.
a.n
@2017 – Pirusti News. Te gjitha te drejtat te rezervuara.
“Të gjitha të drejtat e këtij materiali jane pjesë ekskluzive e patjetersueshme e “pirustinews.com” sipas ligjit nr.35/2016 “Për të drejtat e autorit” dhe të drejta të tjera të lidhura me to”.
Ndalohet kategorikisht kopjimi apo tjetërsimi etj, pa autorizimin e administratorit të “pirustinews.com”, në të kundërt çdo shkelës do të mbajë përgjegjësi sipas nenit 179 të ligjit 39/2016”.
Lejohet çdo shperndarje ne profile te ndryshme sipas deshires se gjthesejcilit qe e gjykon te arsyeshme.
Administrator
Aleksandër NDOJA