Nxënësit e shkollave të qytetit Rrëshen kanë intensifikuar jetën artistike por edhe humanitare me afrimin e fundit të vitit shkollor. Këtë rradhë kanë qenë nxënësit e shkollës 9 vjeçare “Nënë Tereza” të cilët kanë realizuar me sukses projektin e tyre të titulluar “DHURO PËR BAMIRËSI “ Një projekt i tillë është ideuar dhe realizuar nga nxënësit e klasave të 8-ta me një kohështrirje rreth një muaj (prill – maj).
Përfitues të këtij projekti kanë qenë, mësues, prindër dhe vetë komuniteti komuniteti. Sipas mësueses Kozeta Topollaj, qëllimi i kësaj nisme ka qenë sensibilizimi, kultivimi dhe nxitja e ndjenjës së vullnetarizmit te nxënësit dhe në komunitet për fëmijët në nevojë.
Përmes tij është synuar nxitja dhe promovimi te nxënësit dhe komuniteti i ndjenjës së vullnetarizmit për fëmijët në nevojë duke pasur si devisë Të japim dhe të marrim sa më shume dashuri me njëri – tjetrin duke kaluar së bashku një ditë ndryshe.
Jetojmë në një shoqëri ku jo të gjithë kanë mirëqenie ekonomike. Disa me shumë vështirësi sigurojnë të ardhura për të mbijetuar. Jo i gjithë komuniteti arrin të ndiejë atë ç’ka përjeton një masë e madhe individësh dhe të bëhet për ta një fanar shprese që ndriçon rrugën e të pamundurve.
Ky indiferentizëm vjen sepse një pjesë e mirë e njerëzve nuk e kanë kuptuar mënyrën se si mund të bëhesh pjesë e dhuruesve. Nuk e kanë kuptuar se gjithsecili prej nesh ka diçka brenda vetes të cilën mund ta dhurojë me dashuri. Rrënja e bamirësisë fillon në zemër dhe përfundon në dorën tonë.
Për realizimin e këtij projekti nxënësit janë organizuar në grupe pune duke përgatitur biletat per aktivitetin artistik, fletëpalosje, postera, materiale sensibilizuese, pako dhurimi për fëmijët në nevojë të cilët nxënësit i kanë identifikuar drejtperdrejt në shkollë. Janë identifikuar 24 nxënës që janë përfshirë në aktin e dhurimit.
Në këtë projekt janë realizuar disa elemetë që kanë dhënë një panoramë edhe më ndryshe mes njëri tjetrit tek fëmijët. Kështu gjatë ditës së sotme u realiazua një koncert i larmishëm artistik, me me deputues vetë nxënësit e shkollës “Pashko Vasa”. Hyrja ka qenë me biletë dhe e gjithë shuma e lekëve nga shitja e tyre është dhuruar për fëmijët më në nevojë. Gjithashtu janë mbledhur kontribute në forma të tjera, ku veçohen vetë nxënësit që në mënyrë vullnetare kanë kontribuar për shokët e tyre më në nevojë. Aktiviteti është vlerësuar me seriozitet edhe nga prindrit e fëmijëve të cilët kanë ndihmuar me forma të ndryshme.
@2017 – Pirusti News. Te gjitha te drejtat te rezervuara.
“Të gjitha të drejtat e këtij materiali jane pjesë ekskluzive e patjetersueshme e “pirustinews.com” sipas ligjit nr.35/2016 “Për të drejtat e autorit” dhe të drejta të tjera të lidhura me to”.
Ndalohet kategorikisht kopjimi apo tjetërsimi etj, pa autorizimin e administratorit të “pirustinews.com”, në të kundërt çdo shkelës do të mbajë përgjegjësi sipas nenit 179 të ligjit 39/2016”.
Lejohet çdo shperndarje ne profile te ndryshme sipas deshires se gjthesejcilit qe e gjykon te arsyeshme.
Administrator
Aleksandër NDOJA