Ansambli “Mirdita” Mjeshtër i Madh me një rivitalizim mjaft të spikatur vitet e fundit, ka një histori të gjatë që vjen prej dekadash. E ndërsa vijon të ketë ngjitje të përhershme dhe suksese të njëpasnjëshme, çka tashmë është e njohur falë edhe mundësisë që ofrojnë zhvillimet e reja në fushën e publicitetit si nga interneti dhe televizione të shumta, një video nga arkiva e televizionit shqiptar, përmes kameras së Xhelal Markut përcjell jo pak nga aktivitetet e paraviteve 90-të. Janë këngëtarë si Fran Vorfi, Kol Zefi, Dod Prendi, Anton Gjoka, Fran Preçi, Luljeta Përbasha, Ndue Përkola etj, etj, që janë përfshirë në këto pamje e vijnë nga rreth 35-40 vite më parë.
Natyrisht ne këto pamje spikat aty edhe Gjok Beci, një pendë e artë e Ansamblit “Mirdita” ndër vite, por edhe drejtues i qendrave kulturore si në Rubik etj.
Janë të shumtë talentët mirditore kontribuan ne kete Ansambël. Duhet theksuar se ngjitja në piedestal e muzikës mirditore ka dhe kontributin e padiskutueshëm të kompozitorit të madh DORIAN NINI. Ai rrebeloi e kompozoi mrekulli (megjithëse ishte në ato kushte që dihen) dhe bëri të mundur që emri i Mirditës në muzikën popullore të ngjitej lart, e të kishte veçanti nga shumë të tjerë. Meritë e tij ishte dhe në çmimin e parë në Gjirokastër. Puna gjigande e tij me grupin e burrave bëri evidentimin e ketij grupi dhe të tē gjithë ansamblit MIRDITA.
Janë mjeshtra të kostumografisë së këtij ansambli si Lin Loci, Zef Tusha, por dhe Mark Përshqefa mjeshtër i çiftelive, me të cilat ansambli paraqitej në çdo eveniment kombëtar e më vonë ndërkombëtarë. Janë disa minuta filmime nga puna që bëhej për prodhimin e këtyre vlerave, pa të cilat ansambli nuk mund të kishte ecuri të suksesshme.
Lin Loci përcillte një kostumografi mirditore, të gjurmuar dhe me 36 variante dhe nënvariantet e saj që nga veshjet Ilire, veshjet e barinjve, e pa përsëritshme në të gjithë hapësirën etnografike shqiptare. Pjesë e pamjeve filmike janë edhe grupi i instrumentistëve Tom Lleshi, Pashk Filopati, Gjin Dona, Kujtim Vladi etj, por edhe drejtori i kulturës së asaj kohe i Pallatit të Kulturës z. Bardhok Sulejmani.
a. ndoja
@2017 – Pirusti News. Te gjitha te drejtat te rezervuara.
“Të gjitha të drejtat e këtij materiali jane pjesë ekskluzive e patjetersueshme e “pirustinews.com” sipas ligjit nr.35/2016 “Për të drejtat e autorit” dhe të drejta të tjera të lidhura me to”.
Ndalohet kategorikisht kopjimi apo tjetërsimi etj, pa autorizimin e administratorit të “pirustinews.com”, në të kundërt çdo shkelës do të mbajë përgjegjësi sipas nenit 179 të ligjit 39/2016”.
Lejohet çdo shperndarje ne profile te ndryshme sipas deshires se gjthesejcilit qe e gjykon te arsyeshme.
Administrator
Aleksandër NDOJA