Erdhe
prej legjendës së vjetër
të malit hijerëndë,
e dole prej britmës,
kreshnik i zemëruar
me shekullin tënd.
Kohës iu turre ta shqyeje,
e dheun deshe ta digjje
qe besa,
që të dilnin nga hiri
besëlidhja e vjetër,
ëndrra dhe shpresa.
Deshe lirinë ose vdekjen,
lirinë dhe vdekjen
i vure nën krye.
Qe besa,
nuk vdiqe!
Hej, burrë i Dheut!
Ti vdekjen përqeshe
ndër flakë tmerri,
por vdekjen s’e zgjodhe,
ta solli pabesia
e një valiu,
një të mjeri!
Shpirti yt prej burri
dhé i rëndë,
u ngrit mbi një mal.
Si mal i zemëruar
u rrit mbi retë,
deri në lartësinë
ku të lëshonte shkreptima,
pastaj pushoi
mbi shkëmbin e pashkelë,
atje ku rriten dafina.
@2017 – Pirusti News. Te gjitha te drejtat te rezervuara.
“Të gjitha të drejtat e këtij materiali jane pjesë ekskluzive e patjetersueshme e “pirustinews.com” sipas ligjit nr.35/2016 “Për të drejtat e autorit” dhe të drejta të tjera të lidhura me to”.
Ndalohet kategorikisht kopjimi apo tjetërsimi etj, pa autorizimin e administratorit të “pirustinews.com”, në të kundërt çdo shkelës do të mbajë përgjegjësi sipas nenit 179 të ligjit 39/2016”.
Lejohet çdo shperndarje ne profile te ndryshme sipas deshires se gjthesejcilit qe e gjykon te arsyeshme.
Administrator
Aleksandër NDOJA