U nisën dy kuaj me trok,
do të takoheshin në Bargjanë,
buzë lumit s’u ndal Lekë Dukagjini,
me një hap kapërceu matanë.
Kapērceu mal mbi mal Lekë Dukagjini,
mbi një shkëmb pushoi në Kastriot,
në tokën e huaj po linte gjurmën,
e këmbëve të mbështjella me dhe,
se do të bënte bé,
këmbët i kam mbi dheun ku kam lé!
Kur në Bargjanë u shfaq Skënderbeu,
Leka e priti me bé,
nuk jam në tokën tuaj,
nuk jam në tokë të huaj,
për qiell e për dhé,
këmbët i kam mbi dheun ku kam lé!
Barrëgjanë kishte kapërcyer lumin Lekë Dukagjini,
shkëmbit ku u ul i mbeti Kepi Lekë,
me një bé të rrejshme ia la vetit,
me dheun në këpucë
e këpucët në tokën e tjetrit.
Piktura: Pjetër Marku
@2017 – Pirusti News. Te gjitha te drejtat te rezervuara.
“Të gjitha të drejtat e këtij materiali jane pjesë ekskluzive e patjetersueshme e “pirustinews.com” sipas ligjit nr.35/2016 “Për të drejtat e autorit” dhe të drejta të tjera të lidhura me to”.
Ndalohet kategorikisht kopjimi apo tjetërsimi etj, pa autorizimin e administratorit të “pirustinews.com”, në të kundërt çdo shkelës do të mbajë përgjegjësi sipas nenit 179 të ligjit 39/2016”.
Lejohet çdo shperndarje ne profile te ndryshme sipas deshires se gjthesejcilit qe e gjykon te arsyeshme.
Administrator
Aleksandër NDOJA