Në këtë edicion të dytë të Panairit Kombëtar “Shqipëria punon tokën 2018” Mirdita tërhoqi vemendjen e pjesmarrësve të shumtë në këtë panair i cili u zhvillua në sheshin “Nënë Tereza”, në Tiranë. Tashmë i kthyer në traditë, panairi që sipas organizatorëve morën pjesë 659 fermerë nga e gjithë Shqipëria, 70 sipërmarrje ushqimore, 39 bashki, një vend të veçantë pati edhe agroturizmi i Mirditës, fermerët dhe zejtaria e kësaj treve. Testi i parë i përfaqësimit mirditas u zhvillua javën e kaluar në sheshin “Abat Doçi” në Rrëshen, kur bashkia Mirditë mbështeti një panair të tillë në kuadër të aktiviteve të “Festa e Arbrit 2018”.
Edhe në panairin kombëtar nga Mirdita morën pjesë “Agro Mirdita” me administrator Preng Doda, fermeri dhe bletari Valentin Bushi, me aktivitet në fshatin Kodër Rrëshen, nga zejtaret e veshjeve të traditës Pashke Marku dhe Drane Fizi, zejtari i ciftelive Gëzim Përshqefa si dhe mjeshtri i punimit të drurit dhe stilizimit në ornamente Agustin Luli.
Të shumtë kanë qenë ata që shfaqën interes për eksponatet e Mirditës, ndërkohë që jo pak vendas dhe të huaj, kërkuan të blejnë nga produktet e Mirditës, ku kryesisht zinin vend prodhimet e vjeshtës si vera apo rakia me prodhimin autokton, frutat e zonës; produkte të agropërpunimit nga Agro Mirdita, si dhe mjalti i disa llojeve, i cilësuar si ndër më të mirët në këtë panair ndaj pati kërkesa nga individë dhe lokale për të blerë nga ky produkt shumë interesant i Mirditës.
Gjithashtu vizitorët qenë të interesuar për këndin e traditës ku u njohën me zejet e ndryshme si dhe provuan instrumentet popullorë si dhe veshjet etj.
Televizioni Publik Shqiptar, dha live pamje nga eksponatet e Mirditës duke intervistuar pjesëtarë të skuadrës përfaqësuese të Mirditës në këtë panair të rëndësishëm.
@2017 – Pirusti News. Te gjitha te drejtat te rezervuara.
“Të gjitha të drejtat e këtij materiali jane pjesë ekskluzive e patjetersueshme e “pirustinews.com” sipas ligjit nr.35/2016 “Për të drejtat e autorit” dhe të drejta të tjera të lidhura me to”.
Ndalohet kategorikisht kopjimi apo tjetërsimi etj, pa autorizimin e administratorit të “pirustinews.com”, në të kundërt çdo shkelës do të mbajë përgjegjësi sipas nenit 179 të ligjit 39/2016”.
Lejohet çdo shperndarje ne profile te ndryshme sipas deshires se gjthesejcilit qe e gjykon te arsyeshme.
Administrator
Aleksandër NDOJA