Mësueset e Kopshtit të fëmijëve Rrëshen vazhdojnë të komunikojnë me fëmijët edhe në situatën e karantinës përmes mënyrave sa më tërheqëse që ato përdorin në mësimin online. Sidomos targeti i fëmijëve të vegjël, që konsiderohet si pjesa më e prekur e shoqërisë nga izolimi “pak i kuptuar” për moshën, e që në psikikën e tyre derivojnë qindra pyetje të paspjegueshme, kanë nevojë më shumë se kurrë për t’i mbajtur në tonus me mësimin sa më praktik e joshës.
Kështu mësueset e kopshtit Rrëshen, nga distanca u kanë përcjellë fëmijëve përmes mjeteve të komunikimit që disponojnë prindërit, orë mësimi të shkurtëra, por me mënyra tejet kreative. Disa prej orëve të mësimit, që lidhen me natyrën, me stinën e pranverës, të cilën ata po e kalojnë këto ditë të privuar nga natyra, janë zhvilluar nga vetë mësueset pikërisht në natyrë, duke u sellë pamje dhe lojëra po nga natyra.
Orët e mësimit lidhen si me natyrën, po ashtu me shkrimin dhe përshkrimin e gjithashtu edhe me numërimin, dhe mësime të tjera sipas programit përkatës. Edhe pse në distancë, fëmijët duket sikur komunikojnë në kolektiv, e ku natyra sidomos i bashkon, duke qenë “kryefjalë e ditës”. Gjatë këtyre orëve, mësueset kanë dhënë dhe detyra e marrin përgjigje nga fëmijët përmes komunikimit online.
Drejtoresha e kopshtit Rrëshen, Elida Marku, rrëfen, se mësueset e kopshtit për asnjë ditë nuk kanë qëndruar pasive, madje e kanë shtuar intensitetin e komunikimit me fëmijët dhe prindërit e tyre për t’i vënë në punë fëmijët në mënyrë që vëmendja e tyre të mos fokusohet tek ajo që po përjeton e gjithë bota, por ta kalojnë me sa më pak ngarkesa psikike, e njëherit edhe të përvetësojnë programin, diktuar nga kushtet në të cilat është e gjithë shoqëria jonë dhe ajo globale. Ne po interesohemi si për avancimin e programit, por dhe për shëndetin e secilit prej fëmijëve që i kemi në kopshtin tonë, përfundoi ajo.
Aleksandër Ndoja
@2017 – Pirusti News. Te gjitha te drejtat te rezervuara.
“Të gjitha të drejtat e këtij materiali jane pjesë ekskluzive e patjetersueshme e “pirustinews.com” sipas ligjit nr.35/2016 “Për të drejtat e autorit” dhe të drejta të tjera të lidhura me to”.
Ndalohet kategorikisht kopjimi apo tjetërsimi etj, pa autorizimin e administratorit të “pirustinews.com”, në të kundërt çdo shkelës do të mbajë përgjegjësi sipas nenit 179 të ligjit 39/2016”.
Lejohet çdo shperndarje ne profile te ndryshme sipas deshires se gjthesejcilit qe e gjykon te arsyeshme.
Administrator
Aleksandër NDOJA