Ka pak ditë që ka dalë nga shtypi dhe është nisur për te lexuesi libri poetik “Mjegullat e gjenezës” i autorit Ndue Dedaj.
Si paraprirës ishte një cikël poetik, nga ky libër, botuar në gazetën ExLibris nga botuesi i njohut i “ONUFRI”-t, Bujar Hudhri. Pas publikimit në rrjetet sociale cikli prej 15 poezish u mirëprit nga lexuesit dhe u përshëndet nga poetë të njohur si: Rudolf Marku, Preç Zogaj, Ilirian Zhupa, Isak Ahmeti, Demir Gjergji, Mark Simoni etj.
Shkëputëm për lexuesin njërin nga komentet domethënës, që mban firmën e shkrimtarit Kujtim Dashi: “Cikli kampion i librit “Mjegullat e gjenezës”, me thënë të drejtën, është sa përfaqësues dhe befasues për nivelin e lartë të realizimit estetik, sa të jep një kënaqësi të veçantë për këtë stad të arritur, që, padyshim, me këtë metaforizëm të poezisë, e rendit atë në arritjet më të mira superiore (sipas Pesoas) të poezisë shqipe. Dua të vë në spikamë se mprehtësia e publicistit, mençuria e mirditorit, shtegtimet e shpeshta të tij nëpër atdhe, këndej e matanë Drinit, arritjet e mëparshme poetike, ndjeshmëria e hollë poetike, shpirtmadhësia etj. se pse të kujtojnë “fatin” e Pjetër Gacit, kur na dha këngën-himn “Për ty, Atdhe”.
Libra poetikë të autorit:
Ajsbergu i hanës (1998).
Këndej kaloi koha (2001).
Planetare (2007).
Hylli i zotit njeri (2015).
@2017 – Pirusti News. Te gjitha te drejtat te rezervuara.
“Të gjitha të drejtat e këtij materiali jane pjesë ekskluzive e patjetersueshme e “pirustinews.com” sipas ligjit nr.35/2016 “Për të drejtat e autorit” dhe të drejta të tjera të lidhura me to”.
Ndalohet kategorikisht kopjimi apo tjetërsimi etj, pa autorizimin e administratorit të “pirustinews.com”, në të kundërt çdo shkelës do të mbajë përgjegjësi sipas nenit 179 të ligjit 39/2016”.
Lejohet çdo shperndarje ne profile te ndryshme sipas deshires se gjthesejcilit qe e gjykon te arsyeshme.
Administrator
Aleksandër NDOJA