Mateus Frroku është një këngëtar dhe artist i cili prej kohësh po korr suksese të njëpasnjëshme në fushën e artit. Skena shume prestigjoze brenda dhe jashtë vendit kanë kumbur me zërin e tij të veçantë, mjaft i suportueshëm sidomos nga moshat e reja, por edhe kategori të tjera moshore, dashamirës të zërave melodiozë.
Nuk është rastësor një zë i tillë artisti, pasi shumë herët që në fëmijërinë e tij, ka marrë pjesë në shumë aktivitete artistike e kulturore të ndryshme, ndërsa në moshën 10 vjeçare është pjesmarrës në në festivalin e fëmijëve. Më tej ka ndjekur mësimet për kitarë në Liceun Tefta Tashko Koço” të qytetit të Korçës, për të vijuar me studimet tashmë të përfunduara pranë Akademisë së Arteve në Tiranë, në degën për aktrim.
Mateus Frroku ka lindur në Korçë më 9 qershor 1990, ndërsa është i biri i gazetarit të mirënjohur Tonin Frroku me origjinë të herëshme nga Spaçi i Mirditës. Ashtu si i ati, edhe Mateus është shprehur disa herë me krenari për rrënjët e tyre mirditase.
Janë të njohura këngët e tij të suksesshme si “Syni m’qesh”, “në buzët e tua” ”Ti engjëll, unë Promete”, “Këngë moj, Pa këmbë në tokë, apo bashkepunime të suksesshme me zëra të mirënjohur të këngës shqiptare si Bujar Qamili, Eli Fara, Anxhela Peristeri, por në pasaportën e tij artistike verehet pjesmarrja serioze e tij në festivaline këngës, kënga Magjike, Top Fest, Netët e Klipit Shqiptar etj.
Ndërsa afërsisht 10 ditë më parë Mateus Frroku ka publikuar clipin më të fundit të titulluar “Mu Kadale”, clip i cili në pak ditë ka prekur lartësi të konsiderueshme klikimesh. Le ta ndjekim..!
a.ndoja
@2017 – Pirusti News. Te gjitha te drejtat te rezervuara.
“Të gjitha të drejtat e këtij materiali jane pjesë ekskluzive e patjetersueshme e “pirustinews.com” sipas ligjit nr.35/2016 “Për të drejtat e autorit” dhe të drejta të tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e “pirustinews.com”, në të kundër çdo shkelës do të mbajë përgjegjësi sipas nenit 179 të ligjit 39/2016”