Lajmi i fundit, Guri i Xhuxhës “çlirohet” nga izolimi, për tu vendosur në pavionin e lashtësisë.

Guri i rralle, me përmbajtje historike u gjet teksa punohej per hapjen e nje toke te re.

Nga Pirusti News
3 159 Shikime

Janë dashur disa muaj hulumtime shkencore që guri i kohës etruske, i gjetur rastësisht kohë më parw, në fshatin Xhuxhë të Fanit në Mirditë, të marrë çertifikatën e “lustracionit” për tu vendosur përfundimisht në panteonin e merituar të historisë shqiptare.

Burime të sigurta pranë Muzeut Historik Kombëtar, kanë konfirmuar se dje ka dalë vendimi i Këshillit Kombëtar të Muzeumeve Shqiptare se, guri i Xhuxhës do të vendoset në pavionin e lashtësisë, në ambientet e Muzeut të Kombit.

Kërkimet e shumta shkencore, mbi të gjitha përkthimet ekselente të specialistes së mirëformuar shkencërisht, në fushën e studimeve të kohës së etruskëve të Dr. Anna Zhuba, kanë bërë që komisionet e posaçme të arrijnë në konkluzionin e duhur se, Guri i Xhuxhës  është një dëshmi e patjetërsueshme e lashtësisë ilire, në trojet arbërore.

Nëse një vendim i tillë ishte i pritshëm, specialistët përkatës kanë nisur punën për transferimin e Gurit të Xhuxhës, nga hyrja e pasme e Muzeut Historik Kombëtar, për në pavionin elitar të kombit tonë, pavioni i lashtësisë.

Tashmë vizitorët mbarëkombëtarë, por edhe të huaj do të mësojnë se Mirdita, përveçse është bartëse e kohës ilirike, vendndodhja e Shtetit të parë të Arbrit, është edhe pararendëse e kësaj kohe, asaj etruske që toka e shenjëte e Xhuxhës mbajti mijëra vite këtë dëshmi historike, për të na e paraqitur në një kohë fluide, ku vetë Stema e Arbrit e gjetur në Gëziç ishte lënë në harresë të qëllimshme, apo jo. Të mos harrojmë se po në muzetë tona gjënden edhe përkrenare dhe heshta luftarake, gjëndur në Përlat të Mirditës.

Lajmi është në përditësim….

-Aleksander NDOJA-

Me shume per gurin e Xhuxhes:

Dr. Nusha Zhuba- Romë, Guri i Xhuxhës nis të flasë.

Ju mund të lexoni edhe...

Pin It on Pinterest