PËRRALLA TË VËRTETA PËR TIM BIR
Bir, sipas teje , të rrëfeva do përralla,
Që s’kanë të bajnë me Ali Babën,
Vëllezërit Grim, do i çmonin “të rralla”
E s’do t’i gjenin, po t’pysnin tërë botën.
Ali Baba i Njëmijë e një netëve,
Anderseni e të tjerë,e të tjerë
Kanë përrallisur për bëmat e kafshëve e njerëzve,
Por , të verteta si këto, nuk kan tjerrë…
E, s’ është fjala për të fajësuar
Pararendësit tanë mendjendritur
Veç, në rininë time po t’ kishin jetuar,
Përralla si këto, s’do mund të kishin stisur…
N’atë stinë të çartun, të alltë
Shekull me dy luftra botërore
Nuk solli me pak viktima,marrëzi e plagë,
Lufta e tretë, lufta klasore.
Ti qesh me mua e mos beso,
Quaje përrallë, të vërtetën time të hidhur
Veç një gjë mbaj ment, mos harro
Çdo kohë ka përrallat e veta,
Të jesh i bindur!
#Viktor Gjikolaj
@2017 – Pirusti News. Te gjitha te drejtat te rezervuara.
“Të gjitha të drejtat e këtij materiali jane pjesë ekskluzive e patjetersueshme e “pirustinews.com” sipas ligjit nr.35/2016 “Për të drejtat e autorit” dhe të drejta të tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e “pirustinews.com”, në të kundër çdo shkelës do të mbajë përgjegjësi sipas nenit 179 të ligjit 39/2016”