Javascript Disabled!

Please Enable Javascript if you disabled it, or use another browser we preferred Google Chrome.
Please Refresh Page After Enable

Powered By UnCopy Plugin.

Nxënës dhe mësues të Shkollës “Shën Jozefi Punëtor” festuan së bashku festat e fundvitit.

Ipeshkvi Gjergj Meta, Kanuni nuk vlen sot si ligj.

Nga Pirusti News
320 Shikime

Lindita KOKAJ-

Në Shkollën e Mesme Profesionale “Shën Jozefi Punëtor” u organizua një aktivitet i larmishëm në prag të Krishtlindjeve dhe Vitit të Ri. Drejtori i Shkollës Michele Leovino uroi që këto ditë festash t’ i gëzojnë me familjet dhe njerëzit më të dashur.           P. Michele theksoi: “Krishtlindja është festa më e mahnitshme, që ne festojmë. Krishtlindja kudo në botë festohet me gëzim, pasi një nga arësyet është lindja e një fëmijë dhe kjo është një gëzim në çdo familje, që na çon madje edhe në fillesat, në lindjen e Jezusit. Festoni sipas tradites duke adhuruar Jezusin fëmijë dhe duke bërë vepra të mira me paqe e dashuri”.

P. Michele u ndal edhe në përjetimet e takimeve të zhvilluar me të rinjtë të ndarë në 3 grupe: Ditari i Zemrës, Heshtje, Diskutime duke përcjellë mesazhin:”Të reflektojmë me qetësi, paqe dhe dashuri”.

 Gjakmarrja vazhdon të mbetet një plagë për Shqipërinë. Ndaj Ipeshkvi i Dioqezës Rrëshen Dom Gjergj Meta kishte zgjedhur pikërisht “Kanunin” si subjekt diskutimi me të rinjtë e “Shën Jozefit”. “Subjekti që kam zgjedh është një subjekt mjaft delikat, Kanuni. Kjo rregullore si ligj sot nuk vlen më. Patjetër që në të ka edhe fjalë e vlera njerëzore si : fjala e dhënë, respekti pë njerëzit dhe familjen.

Vlerat tradicionale duhet tua transmetojmë brezave, por Kanuni nuk mund të jetë ligj për rregullumin e marrëdhënieve shoqërore, ne kemi ligjet. Të rinjtë duhet të informohen dhe të njihen me ligjet. Ne jemi për ligjshmëri dhe garantohet me respektimin e ligjit që janë rregulla të pashkruara, apo ligje të miratuara për të ndërtuar një shoqëri të mirë, demokratike dhe të jetueshme”, deklaroi Ipeshkvi Gjergj Meta.

Dom Gjergji vijoi më tej duke theksuar se, zoti nuk na ka krijuar vetëm por bashkë. Nëse shikoni një situatë, që ka nevojë për praninë tonë, mos u kurseni bëhuni të afërm dhe ndihmojeni atë, dhe secili nga ne kështu mund të kalojë një krishtlindje të bukur.

Presidentja e Senatit të Nxënsve, Ina Ndoj uroi sa më shumë paqe, harmoni e begati. Viti i ri të jetë plot me ëndrra si edhe të kemi vullnet për t’i realizuar ato.

Nxënësit dhe mësuesit u argëtuan me programin artistik të gërshetuar me këngë, valle, recitimi por edhe dramatizimin e vepres “Prilli i Thyer” të Ismail Kadaresë. Urimi që u përcoll ishte “Gëzuar Krishtlindjet!

Një vit i mbarë dhe i paqtë për të gjithë!”

Ju mund të lexoni edhe...

Pin It on Pinterest