-Nga Mr.Sc Izabela DEDAJ-
Politikat lehtesuese tatimore dhe fiskale po e bëjnë Shqipërine gjithnje dhe me shumë një vend tërheqës për investimet e huaja si dhe për sjelljen e bizneseve ndërkombëtare në vendin tonë. Kjo lidhet me qëndrueshmerinë e strukturave ekonomike, stabilitetin politik si dhe efikasitetin e administratës tatimore të vendit.
Politika tatimore e Shqipërisë ka qenë një mjet kryesor për tërheqjen e investimeve dhe stimulimin e zhvillimit ekonomik, përms përjashtimeve tatimore dhe lehtësirave për sektorë te ndryshëm siç është tregui i pronave të paluajtshme.
Me bregdetin e tij mahnitës, industrinë në rritje të turizmit dhe çmimet konkurruese të pronave, vendi yne ofron mundësi fitimprurëse. Për më tepër, përmirësimi i infrastrukturës, rritja ekonomike dhe stimujt e qeverisë për blerësit e huaj kontribuojnë në rritjen e popullaritetit të Shqipërisë. Megjithatë, si me çdo investim, ka edhe përfitime por edhe sfida, që duhen marrë parasysh.
Gjatë dy dekadave të fundit, Shqipëria ka aplikuar një kombinim te normave tatimore konkuruese dhe përjashtimeve per investimet e huaja direkte. Përkundrejt disa vendeve te tjera fqinje siç jane Italia dhe Greqia, vendi i yne i lejon të huajt të blejnë pasuri të paluajtshme pa kufizime, me përjashtim të tokës bujqësore. Qeveria ka ndërmarrë hapa për të thjeshtuar procesin e marrjes së pronave, duke siguruar transparence dhe efikasitet më të madh. Nje tjetër arsye e rritjes së këtyre investimeve është rritja dhe zhvillimi i projekteve të reja të infrastruktures duke përfshirë përmirësimin e rrjeteve rrugore, aeroportet e reja dhe zhvillimet e porteve, që kanë përmirësuar aksesin dhe lidhjen, duke rritur vlerat e pronave në rajone kyçe.
Ndërkohë që Shqipëria ka bërë progres në ligjet e pronësisë, vonesat burokratike dhe mospërputhjet në regjistrimin e tokës përbëjnë ende sfida. Investitorët duhet të bëjnë kujdes të plotë dhe të punojnë me ekspertë vendas me përvojë, për të patur nje analize më të thelluar të treguesve dhe ndryshimeve fiskale dhe tatimore që vendi ynë ka patur vitete e fundit.
Tregu i pasurive të paluajtshme në Shqipëri paraqet një mundësi unike për investitorët e huaj që kërkojnë prona të përballueshme, rendimente të larta të qirave dhe vlerësim afatgjatë. Ndërsa ka sfida për t’u marrë në konsideratë, planifikimi i kujdesshëm, ekspertiza lokale dhe hulumtimi i plotë mund t’indihmojnë investitorët të lundrojnë në rreziqet e mundshme. Me rritjen e vazhdueshme ekonomike dhe mbështetjen e qeverisë për investimet e huaja, Shqipëria është e pozicionuar mirë për t’u bërë një destinacion kryesor i investimeve në pasuritë paluajtshme në Ballkan.
@2017 – Pirusti News. Te gjitha te drejtat te rezervuara.
“Të gjitha të drejtat e këtij materiali jane pjesë ekskluzive e patjetersueshme e “pirustinews.com” sipas ligjit nr.35/2016 “Për të drejtat e autorit” dhe të drejta të tjera të lidhura me to”.
Ndalohet kategorikisht kopjimi apo tjetërsimi etj, pa autorizimin e administratorit të “pirustinews.com”, në të kundërt çdo shkelës do të mbajë përgjegjësi sipas nenit 179 të ligjit 39/2016”.
Lejohet çdo shperndarje ne profile te ndryshme sipas deshires se gjthesejcilit qe e gjykon te arsyeshme.
Administrator
Aleksandër NDOJA