Ambasadorja e delegacionit të BE-së, në vendin tonë, Romana Vlahutin dhe ambasadori i Austrisë në Tiranë kanë zgjedhur që ditën e sotme të vizitojë disa prej vendeve që prezantojnë histori në zonën e Mirditës. Fillimisht Romana Vlahutin dhe Dr. Johann Sattler janë ndaluar për një vizitë në ambientet e Info-kulla, në afërsi të qytetit të Rubikut. Në ambientet e info-kulla, Ambasadorja e delegacionit të BE-së është pritur dhe shoqëruar nga kryetari i bashkisë Mirditë, z. Ndrec Dedaj. Këtu Vlahutin dhe Dr. Sattler janë njohur me aspekte të rëndësishme të historisë së Mirditës, duhe filluar me epokën e mirnjohur të pirustëve, parardhësit e mirditasve të sotëm, me shtetin e parë të Arbrit, themeluar në Gëziç të Mirditës, por edhe me aspekte të tjera të zhvillimeve social-kulturore ndër shekuj, deri në ditët tona. Aja ka vlerësuar me nota maksimale idenë dhe realizimin në fjalë, falë humanistes Marianne Graf e cila ka qene edhe inicuese e vizites se dites se sotme, permes ambasadorit te Austrise ne vendin tone, Dr. Johann Sattler.
Më tej gjatë ditës së sotme Ambasadorja Romana Vlahutin dhe Dr. Johann Sattler kanë vizituar ambientet e mbetura në ish burgun famëkeq e Spaçit, të cilat prej dy vitesh po rehabilitohen dhe ruhen me kujdes të shtuar, me qëllim që në një të ardhme të afërt brezat të mësojnë për genocidin e ushtruar ndaj një pjese të konsiderueshme të popullsisë gjatë një rregjimi tashme të ditur. Në këtë vizitë i pranishëm ka qenë edhe Ipeshkëvi i Dioqezës Rrëshen, imzot Gjergj Meta.
Madje gjatë vizitës nëpër dhomat e këtij burgu Romana Vlahutin ka dhënë edhe një mesazh të qartë për të ardhmen. Ajo ka theksuar se:
“Ne duhet të ndihmojmë ne ruajtjen e kujtimeve të një vendi që të gjithë të mësojne rreth rezistencës ndaj regjimeve barbare dhe për të reflektuar se si të parandalohen ideologjitë ekstreme që rrezikojnë përsëri demokracinë”, ka përfunduar ambasadorja e BE-s.
a.n
@2017 – Pirusti News. Te gjitha te drejtat te rezervuara.
“Të gjitha të drejtat e këtij materiali jane pjesë ekskluzive e patjetersueshme e “pirustinews.com” sipas ligjit nr.35/2016 “Për të drejtat e autorit” dhe të drejta të tjera të lidhura me to”.
Ndalohet kategorikisht kopjimi apo tjetërsimi etj, pa autorizimin e administratorit të “pirustinews.com”, në të kundërt çdo shkelës do të mbajë përgjegjësi sipas nenit 179 të ligjit 39/2016”.
Lejohet çdo shperndarje ne profile te ndryshme sipas deshires se gjthesejcilit qe e gjykon te arsyeshme.
Administrator
Aleksandër NDOJA