Viti i Gjergj Katriot Skënderbeut, ka angazhuar qindra faktorë të rëndësishëm historikë, kulturorë e qytetarë anë e mbanë hapësirës tonë mbarëkombëtare. Por Heroi ynë Kombëtar gjithmonë ka nxitur fantazinë edhe të fëmijëve, të cilët në shumë raste janë munduar të performojnë Heroin e Kombit, me imitacione nga më të ndryshme të Gjergj Kastriot Skënderbeut. Por nëse deri tani fëmijët e kanë imituar Gjergjin në salla apo ambiente të mbyllura, në shkollën 9-vjeçare “Beslidhja” në Lezhë ka ndodhur ndryshe.
Nxënësit e kësaj shkolle e njohur për aktivitete të shumta dhe të përditshme kanë guxuar të realizojnë një film, sido me metrazh të shkurtër. Ndoshta është filmi i parë i regjistruar, pas filmit tradicional dhe të shumë debatuar, ku në të ishte involvuar niveli më i lartë i kinematografisë ruse të kohës. Nxënësit e “Beslidhjes” se Lezhës natyrisht janë shumë larg në performimin e tyre për shkaqe të kuptueshme, por dëshira, mesazhi që përcjellin apo aktrimi i tyre, janë në kuota optimale.
Kjo është arritur dhe falë punës së palodhur dhe plot talent të rregjizores së këtij filmi, mësuese së letërsisë në këtë shkollë znj. Alketa Bejtja dhe drejtoreshës së “Beslidhjes”, znj. Valbona Gjoni. Ajo çfar evidentohet qartësisht, është përkushtimi kualitativ i operatorit dhe montazhierit, fotografit profesionist Olsi Tetaj.
Filmi është ndjekur me mjaft interes në kinemanë e kësaj shkolle, ndërtuar vitet e fundit. Shkolla Beslidhja është ndër shkollat komunitare më të dalluar në Qarkun e Lezhës, sidomos për klasat e muzikës ku në të mësohen rreth 11 vegla muzikore. Kjo ka bërë që në këtë shkollë të realizohen aktivitete kulturore të përditshme, ndërsa në kinemanë e saj, çdo të premte shfaqet nga një film artistik e kulturor.
Aleksandër Ndoja
@2017 – Pirusti News. Te gjitha te drejtat te rezervuara.
“Të gjitha të drejtat e këtij materiali jane pjesë ekskluzive e patjetersueshme e “pirustinews.com” sipas ligjit nr.35/2016 “Për të drejtat e autorit” dhe të drejta të tjera të lidhura me to”.
Ndalohet kategorikisht kopjimi apo tjetërsimi etj, pa autorizimin e administratorit të “pirustinews.com”, në të kundërt çdo shkelës do të mbajë përgjegjësi sipas nenit 179 të ligjit 39/2016”.
Lejohet çdo shperndarje ne profile te ndryshme sipas deshires se gjthesejcilit qe e gjykon te arsyeshme.
Administrator
Aleksandër NDOJA