– Juljan Vlashi –
Studiuesi Dhimitri Pilika, në librin “Pellazgët, origjina jonë e mohuar”, ndër të tjera shkruan: “Antroponimi Mërkur, binjak i Hermesit pellazg, ka qënë shumë i përhapur te ne deri vonë, duke shprehur disi përkatësinë etnike arbërore. Një prirje në këtë drejtim trupëzon edhe toponimi: Mërkurth, katund në Mirditë.”
Vitet e fundit janë zbuluar nga arkeologët, në krahun e djathtë të përroit të Mërkurthit, në shpatin e Malit të Shenjtë të Oroshit rreth 300 m mbi fshatin Mërkurth, në atë që nga banorët e vendas njihet si “Shpella në Buzë” gjurmë të artit shkëmborë. Sipas arkeologëve Rudenc Ruka, Michael L. Galaty dhe Elio Hobdari: Arti shkëmbor i “Shpellës në Buzë” ndahet në dy faza kryesore.
Faza I, paraqet një gërshetim të elementëve të trashëguar nga epoka e bronzit si dhe shfaqjen e atyre të rinj të epokës së hekurit.
Faza II, datohet nga periudhat pas antike.
Gjurmë të artit shkëmbor (prehistorik) janë identifikuar në disa zona të Mirditës: në afërsi të kalasë antike të Matrizës në Rubik, në afërsi të kalasë ilire të Anderfajt në Konaj ku ruhen edhe gjurmët e një vendbanimi të fortifikuar prehistorik, në Xhuxhë dhe në Blinisht.
@2017 – Pirusti News. Te gjitha te drejtat te rezervuara.
“Të gjitha të drejtat e këtij materiali jane pjesë ekskluzive e patjetersueshme e “pirustinews.com” sipas ligjit nr.35/2016 “Për të drejtat e autorit” dhe të drejta të tjera të lidhura me to”.
Ndalohet kategorikisht kopjimi apo tjetërsimi etj, pa autorizimin e administratorit të “pirustinews.com”, në të kundërt çdo shkelës do të mbajë përgjegjësi sipas nenit 179 të ligjit 39/2016”.
Lejohet çdo shperndarje ne profile te ndryshme sipas deshires se gjthesejcilit qe e gjykon te arsyeshme.
Administrator
Aleksandër NDOJA