Javascript Disabled!

Please Enable Javascript if you disabled it, or use another browser we preferred Google Chrome.
Please Refresh Page After Enable

Powered By UnCopy Plugin.

Liza Picaku, një talent muzikor, që bëri aq shumë për artin dhe kulturën kombëtare!

Një këngë që përjetëson kujtimin e saj, më tekst nga Viktor Gjikolaj dhe muzikë nga Servet Cara

Nga Pirusti News
9 040 Shikime

-Nga Aleksandër NDOJA-

Dikur pata shkruajtur se “nga legjenda të treguara erdhëm te kënga, ndërsa kenga çeli arkivat ku u mbart historia”. Natyrisht kjo i përket një kohe të herëshme, ku celuloidi nuk ishte në dispozicion të çdokujt për të fiksuar portrete, ngjarje apo rrëfenja. Në fakt njerëzit që përcjellin vlera në jetën e tyre, lënë pas kujtime që nuk mund të fshihen.

E tillë ishte Liza këngëtare, artiste, mësuese e talentuar, mbi të gjitha një grua e plotësuar edhe nga fiziku i saj shtatlartë, aq sa dukej se as predhat e topit nuk mund ta ulnin, e njëllojtë me malet e larta. Por atë që s”mund ta bënin predhat e bëri sëmundja e rëndë, e pashërushme, që i mori jetën në një moshë aspak të përshtatshme, duke sfiduar besimin e saj, mjekimin më solid të mundshëm, por edhe lutjet pafund të afërmeve, vëllait sëpari, miqve, shokëve dhe shoqeve bashkëpunëtorë, madje një komunitet si ai i Përlatit, ku ajo lindi dhe shënoi hapat e parë në jetë.

E ndërsa përjetësimi i saj në një këngë ka ardhur nga vëllai i saj, miku më i ngushtë dhe mbështetës në rrugën e artit, Agim Picaku i njohur edhe si këngëtar, pra dhe koleg i motrës së tij tashmë të ndjerë. Natyrisht në vargjet e kësaj kënge mëson jo pak mbi historinë e këngëtares artiste, mësueses së muzikës, por dhe nënës së mirë për fëmijët e saj. Por le të të kthehemi tek portreti i së paharruarës  Liza Piacaku, që u nda nga jeta më 26 nëntor 2019.

Liza Piacaku, një përshkrim i shkurtër i veprimtarisë së saj artistike dhe kulturore.

Liza Picaku, lindi më 16.03.1956 në një familje  emblematike në Perlat-Qendër të Mirditës. Ishte e bija e Prengës dhe e Dilës, që e ushqyen me dashurinë e lumnueme për trevat mirditore dhe mbarëshqiptare. Ishte mbesë e derës së famëshme të Përvizëve të Kurbinit, që kanë ushqyer me qëndresë të pathyeshme atdhetarinë e trojeve tona etnike. U formua si personalitet njerëzorë dhe artistik në Shkollën e Mesme Pedagogjike “Preng Jakova” në Shkodër.

Vitin e parë të mësuesisë e filloj bash aty ku qau për herë të parë në Perlatin e dashurisë së saj të pakushtëzuar. Ishte këngëtare, valltare, mësuese e përkushtuar, veprimtare shoqërore, e mbi të gjitha njeri me kuptimin më të plotë të kësaj fjale, duke përcjellë mirësi e fisnikëri jo vetëm tek perlatasit, por tek të gjithë mirditorët e tek të gjithë ata që e njohën dhe ndien dorën e saj përkushtuese… .

Ajo bashkë me bashkëshortin e saj krijuan çerdhen e tyre familjare në Laç të Kurbinit, ku Liza vazhdoi të ushqejë familjen e saj të re me cilësitë më të mira të derës nga vinte. Lindi dhe rriti me dashuri të paskaj dy fëmijët e saj të mrekullueshëm, të cilët janë krenarë dhe përpiqen të ndjekin në jetë imazhin dhe gjurmët e Lizës së dashur e të paharruar. Punoi me përkushushtim si mësuese muzike për vite të tëra në Laç, ku u angazhua në Pallatin e Kulturës si muzikante, kulturologe, valltare, këngëtare, udhëheqëse e talenteve të reja, të cilat gjetën tek Liza një inkurajuese, pasionante dhe mësuese të denjë në rrugëtimin e tyre drejt suksesit artistik.

Liza ishte një soliste me performancë mrekullore në festivalet kombëtare si ai i Gjirokastrës, Beratit etc..., ku pati vlerësime të larta nga juritë artistike të kohës. Jeta e saj ishte një dashuri e rrëfyer në mënyrën më autentike ndaj gjithkujt që pati nevojë për ndihmën dhe talentin e saj. Ndërroi jetë në një moshë ende të re, ku kishte aq shumë gjëra për të bërë dhe aq shumë dashuri për të shpalosur në jetën e saj. La pas një emër të mirë, një trashëgimi vlerash dhe vyrtytesh, një pasuri estetike, e cila do të jetë model për brezat që do të vijnë.

 I vëllai i saj Agim Picaku, i ka kushtuar Lizës së ndjerë një këngë të mrekullueshme me tekst të z. Viktor Gikolaj, muzikë dhe orkestrim z.Servet Cara, të cilën e ka kënduar vetë Agimi me pasion dhe profesionalizëm. Vlerat estetike mirditore përcjellin kujtimin e një vlere siç ishte Liza, kujtimi i së cilës është një shenjë respekti e mirënjohje për hapat e bukur që lë pas njeriu në jetë…

Ju mund të lexoni edhe...

Pin It on Pinterest