Nga: Juljan VLASHI.
Përmendet si kishë famullitare në relacionet e B. Orsinit në vitin 1638, M. Skurës në vitin 1641 dhe në relacionin e pas vitit 1644, S. Gasparit në vitin 1671, G. Vladagnit në vitin 1672, V. Zmajeviç në vitin 1703, etj.
Në relacionin e mes shek. XVII (pas vitit 1644), dërguar Kongregacionit të Propaganda Fide, Arqipeshkëvi Mark Skura përmend kishat e Shën Vlashit, Shën Markut, Shën Prendes dhe Shëlbuemit në Kthellë (Malaj, Kthellë-Epër, Rrëshen dhe Shebe), që u shërbenin 2476 banorëve, të cilët ishin të lirë nga haraçi turk. (Fulvio Cordignano, “Geografia ecclesiastica dell’Albania”, botim i vitit 1934)
Edhe pse është ndër kishat e hershme të zonës, nuk ka një tezë për themelimin e saj. Në afërsi të kishës ruhen akoma gjurmët e një vendbanimi të hershëm arbëror. Sipas Domenico Pasit, priftit misionar italian që vizitoi malësitë shqiptare në fund shek. XIX, në Rrëshen (Kodër-Rrëshen) ruheshin gjurmët e një qyteze të Skënderbeut.
E gjithë zona për rreth ruan pasuri të shumta arkeologjike. Në vitet 80-të, në një kodër në hyrje të Kodër-Rrëshenit, është zbuluar nga arkeologët një varrezë arbërore e mesjetës së hershme, e njëkohëshme me nekropolin arbëror të Prosekut, shek. VI-VIII, pas. Kr. Në mes fshatrave të Kodër-Rrëshenit dhe Tenës (Malaj) ruhen rrënojat e një fortifikimi me shumë gjasa i periudhës ilire, që nga banorët vendas njihet si “Kalaja e Teutës”.
Në tetor të vitit 1900, në qelën e kishës së Shën Prendes u hap shkolla shqipe, me mësues dom Mark Vasa.
Kisha e Shën Prendes, monument me vlera historike dhe fetare, që tregonte më së miri traditën e hershme të ndërtimit të objekteve të kultit në Shqipërinë Veriore, fatkeqësisht u shkatërrua në vitin e marrëzisë 1967.
@2017 – Pirusti News. Te gjitha te drejtat te rezervuara.
“Të gjitha të drejtat e këtij materiali jane pjesë ekskluzive e patjetersueshme e “pirustinews.com” sipas ligjit nr.35/2016 “Për të drejtat e autorit” dhe të drejta të tjera të lidhura me to”.
Ndalohet kategorikisht kopjimi apo tjetërsimi etj, pa autorizimin e administratorit të “pirustinews.com”, në të kundërt çdo shkelës do të mbajë përgjegjësi sipas nenit 179 të ligjit 39/2016”.
Lejohet çdo shperndarje ne profile te ndryshme sipas deshires se gjthesejcilit qe e gjykon te arsyeshme.
Administrator
Aleksandër NDOJA