Nga: Juljan Vlashi
Ekspeditë përnjohëse me arkeologët Rudenc Ruka dhe Paqsor Loka, në vëndin e quajtur “Kodra e Kalasë” në Blinisht të Mirditës.
Fortifikimi është ndërtuar mbi një kodër me pozitë dominuese që kontrollon një pjesë të konsiderueshme të luginës së Fanit të Vogël, ku ka kaluar një rrugë e vjetër që ka lidhur Lezhën me Prizrenin dhe zonat e tjera lindore.
Në pjesën më të lartë të kodrës ruhet një trakt nga muri rrethues, lidhur në të thatë, me gjatësi 13.4 m që shkon deri në lartësinë 2.3 m. Gjurmë muresh janë ruajtur në të gjithë sipërfaqen e kodrës. Në brendësi të fortifikimit, ruhen gjurmë muri lidhur me llaç, që duhet të kenë qënë pjesë e ndonjë banese.
Në afërsi të fortifikimit, në “Gurin e Madh” siç njihet nga banorët vendas, ruhen gjurmë të artit shkëmbor prehistorik. Petroglifet (4 figura antropomorfe dhe 9 figura në trajtë kryqi) janë realizuar në katër panele (mendohet në periudhën e bronzit të hershëm).
@2017 – Pirusti News. Te gjitha te drejtat te rezervuara.
“Të gjitha të drejtat e këtij materiali jane pjesë ekskluzive e patjetersueshme e “pirustinews.com” sipas ligjit nr.35/2016 “Për të drejtat e autorit” dhe të drejta të tjera të lidhura me to”.
Ndalohet kategorikisht kopjimi apo tjetërsimi etj, pa autorizimin e administratorit të “pirustinews.com”, në të kundërt çdo shkelës do të mbajë përgjegjësi sipas nenit 179 të ligjit 39/2016”.
Lejohet çdo shperndarje ne profile te ndryshme sipas deshires se gjthesejcilit qe e gjykon te arsyeshme.
Administrator
Aleksandër NDOJA