Nimfa e 11 Liqeneve
———————————
Në liqenin e Tiranës
ua bëri më dorë rosave të egra,
në Liqenin e Thatë
përshëndeti 2 mjellma.
Buzë Liqenit Kreshpan
natën makina i ngeci,
krah liqenit të Viroit
një cigare e ndezi
e në Liqenin Butrint
e zuri mëngjesi.
Yje, hënë e xixëllonja
e verbuan gjatë natës,
dielli në gjumë sytë ia rrezoi
rrëzë liqenit të Farkës.
E rrakëlleu një shishe të vogël uiski
pasi la pas liqenin e Qafmollës,
në pasmesnatë Liqenin e Fierzës mbërriti
pa cakitur akrepi i minutave akrepin e orës.
Kaloi Liqenin e Badovcit
pa dalë prej asfaltit të xhades,
lëkurën ia lagu
e iu përzie me djersët e qafës
shiu i Liqenit të Busavatës.
Era e përkëdheli përhumbur mes fijeve të barit,
e trembi një zog i dalë beftas prej hiqit,
e pickoi një mushkonjë në cepin e ballit,
në bregun e Liqenit të Radoniqit.
Valon vargjeve
strofave
e refreneve
Nimfa e Njëmbëdhjetë Liqeneve.
Andris Lleskai
@2017 – Pirusti News. Te gjitha te drejtat te rezervuara.
“Të gjitha të drejtat e këtij materiali jane pjesë ekskluzive e patjetersueshme e “pirustinews.com” sipas ligjit nr.35/2016 “Për të drejtat e autorit” dhe të drejta të tjera të lidhura me to”.
Ndalohet kategorikisht kopjimi apo tjetërsimi etj, pa autorizimin e administratorit të “pirustinews.com”, në të kundërt çdo shkelës do të mbajë përgjegjësi sipas nenit 179 të ligjit 39/2016”.
Lejohet çdo shperndarje ne profile te ndryshme sipas deshires se gjthesejcilit qe e gjykon te arsyeshme.
Administrator
Aleksandër NDOJA