Djali i Luleve (Narçisti)
Më mallkuan për një veprim
që prapë do e bëja,
le po deshën ta quajnë gabim,
ku thellohet rrënja?!…
Frutat nga të ëmbël në thartim,
varet nga gjendja,
një të ëmbël e një në kalbëzim
dega është e njëjta.
Për dikë një aguridh pa shijim,
shëndetshëm ënjta
për dikë tjetër veç kënaqësinë
me fruta të ëmbla.
E atyre që s’deshën rregullsinë,
iu përshtata si kënga
që pa prishur, lënduar melodinë,
i merr të tërë brënda.
Notat i shtova, daulle mbi violinë,
disa nota dhe hëngra,
le të më kuptojnë veç ata që dinë
ata që lexojnë ëndrra…
S’është për të gjithë ky dreq-shkrim.
Mirmëngjes-mirëmbrëma!…
Diku një përfundim, diku për një fillim,
kuptohem në të pathëna.
@2017 – Pirusti News. Te gjitha te drejtat te rezervuara.
“Të gjitha të drejtat e këtij materiali jane pjesë ekskluzive e patjetersueshme e “pirustinews.com” sipas ligjit nr.35/2016 “Për të drejtat e autorit” dhe të drejta të tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e “pirustinews.com”, në të kundër çdo shkelës do të mbajë përgjegjësi sipas nenit 179 të ligjit 39/2016”